Атырау іргесіндегі халық аптап ыстықта ауыз су мен жарықтың азабын тартып отыр

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Теңдессіз жобамызға көз салыңыз: https://www.youtube.com/playlist?list=PLn2OyECVOtB8ZSSBwiA43xi-_dRdDnFhq
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr

Бүгінгі шығарылымда:
Атырау іргесіндегі Жұлдыз-3 ауылының тұрғындары аптап ыстықта ауыз су мен жарықтың азабын тартып отыр. Жаз басталса елдімекенде жарық жиі өшіп, тіршілік нәрі тоқтайды дейді шулаған халық. Тозығы жеткен трансформатордың сымдар да тұйықталып, бірнеше мәрте өрт шыққан екен. Мұнайлы өлкеде тұрып, өркениеттен жұрдаймыз деген жұрттың жанайқайын өңірдегі әріптесім тыңдап келді.
Жанайқайын жеткізу үшін Жұлдыз-3 ауылының тұрғындары тайлы-тұяғы қалмай жиналды. Себебі, жарықтың мәселесі жылдар бойы шешімін таппай, жұрттың жүйкесін жұқартқан. Елдімекендегі трансформаторлар әбден ескірген екен. Соның салдарынан электр желілері жиі тұйықталып, жарықсыз отыратын күндеріміз көп дейді қараша.
ЖҰМАХМЕТ ӘБІЛҚАРИЕВ, Жұлдыз-3 ауылының тұрғыны:
– Көптеген техникалары істен шығып жатыр. Атырау Жарыққа барып, арызданып жатқандар көп. Ай сайын әркімнің үйі әртүрлі. 7000-10000 мың теңгеден 3-4 жылдан бері осылай. Жиі өшуіне байланысты халық қиындық көруде. Трансформаторлар ешқандай капиталды ремонттан өтпеген.
Тұрғындарды тұқыртқан тағы бір мәселе ауыз судың жоқтығы. Жаз басталса халық тіршілік нәрін дүкеннен сатып ішеді екен. Ең сорақысы, кей кәсіпкерлер судың бағасын екі есе өсіріп жіберген. Зейнеткерлер мен көпбалалы отбасылар бұл жағдай қалтамызға ауыртпалық салып жатыр дейді.
МАСРИПА ЕСЕНҒАЛИЕВА, Жұлдыз-3 ауылының тұрғыны:
– 19 литрлікті сатып алып жүрміз ғой. Бутылкасымен апарғанда 300 теңге төлеп. Су жоқ болғанда дүкендер 1200 теңгеге сатады. Біз қарапайым ғана халық, адамдардың қарапайым өмір сүру үшін коммуналдық қызметті ғана талап етіп отырмыз. Аспандағы айды сұрап тұрған жоқпыз. Күнделікті өмірімізге қажетті коммуналдық қызметті сапасымен берсін.
Бұқараның базынасын тыңдауға келген ауылдық округтің әкімі инфрақұрылым елдімекенге толығымен тартылғанын жеткізді. Ал су мен жарықтың анда-санда өшуі қысымның артқанымен байланыстырады.
ШАФҚАТ ҚАЛИЕВ, Қайыршақты ауылдық округінің әкімі:
– 8 трансформатор бар. Қазір қала теңгеріміндегі трансформаторлар келісімшарт арқылы Атырау Жарықпен жөнделуде. Бұл да кезекте тұр, бақылауда тұр. Егер авариялық жағдайда өшсе, авариялық служба келіп дер кезінде қосып отыр. Ауыз суды да Су арнасы мекемесі қарап отыр. Тұрғындарға нағыз керек кезде, пик кезде, үйлерін суарған кезде су болмай қалады.
Жұлдыз ауылының үш мыңнан астам тұрғыны шағымдарын облыс әкіміне жеткізбек. Себебі, аптап ыстықта су мен жарықсыз отыру нағыз азап дейді, олар.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық