Атырау өңірінің киелі орындарын танытатын кітап-альбом жарық көрді

8 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Dec 9, 2025

Атырау облысы Мәдениет және тілдерді дамыту басқармасының қолдауымен, облыстық тарихи мұраны зерттеу орталығының ұйымдастыруымен «Атырау қазақтарының наным-сеніміндегі киелі жерлер» атты кітап-альбомның таныстырылымы өтті,- деп хабарлайды Өңірлік коммуникациялар қызметі.

Басылымда облыс аумағындағы қасиетті орындар саналатын нысандар жеке-жеке тарқатылып, олар жөніндегі тарихи ақпараттар, аңыз-әңгімелер мен фотосуреттер бейнеленген.

- Кітаптың басты мақсаты — өңір шежіресін терең түсініп, тарихымызды объективті түрде қабылдауды қалыптастыру. Бұл жұмыстың негізі 2018 жылы басталған, яғни, жеті жыл бұрын осы тақырыпта арнайы зерттеу жұмыстары жүргізілді. Басылымға облыстағы 8 аймақты қамтитын батырларымыз бен ақындарымыздың, белгілі билеріміз бен тарихи тұлғаларымыз туралы ақпараттарды енгіздік,- деді Атырау облысы тарихи-мәдени мұраны зерттеу орталығы басшысының орынбасары Фархад Байдаулетов.

Іс-шараға өлкетанушылар, ғалымдар, зиялы қауым өкілдері және мекеме басшылары қатысып, сөз сөйлеп, туындының мәні мен маңызы туралы ой өрбітті.