Балалар шаттыққа бөленген күн

Арал ауданында халықаралық балаларды қорғау күні аталып өтті. Бүлдіршіндер ертегілер еліне саяхаттап, мәз-мейрам болды. Ең шуақты мерекеден тілшіміз Дәулет Сағитың бейнематериалы.

ДӘУЛЕТ САҒИТ – ТІЛШІ
//Ертегілер әлеміндегі түрлі кейіпкерлердің киімін киген кішкентайлар сүп-сүйкімді, қылықтары тәп-тәтті. Шаттыққа бөленген аралдық өрендер жанұяларымен аудан орталығындағы балықшылар аллеясына келіп, отбасылық эстафетаға қатысып, ұлттық ойындарды ойнап, мәре-сәре болды. Кішкентайлар ән айтып, би билеп өз өнерлерін паш етті. Сондай-ақ, түрлі тәттілер үлестіріліп, айнала қуанышқа бөленді.//

Балалар мерекесі балықшылар аллеясында ұйымдастырылды.
КЕТЕ-ТӨЛЕБИ БЕРЖАНОВ – АУДАН ӘКІМІНІҢ ОРЫНБАСАРЫ // Өңірімізде жеткіншектердің сапалы білім алуына, шығармашылықтарының шыңдалуына барлық жағдай жасалуда. Қазіргі таңда аудан көлемінде 17 мың 590 оқушы білім алуда. Сонымен бірге 17 мемлекеттік балабақшада 2 мыңнан астам бала тәрбиеленуде. 27 жеке меншік балабақшада 2 мыңға жуық, мектептің шағын орталықтарында 500-ге жуық бала тәрбие алуда. Түрлі білім бәсекелері мен пәндік олимпиадаларында, ғылым жобалары мен спорттық сайыстарда өз жетістіктерімен қуантып жүрген жас өрендеріміз аз емес. Балалардың жақсы оқып, қоғамдық жұмысқа белсенді қатысып жүргендері біз үшін үлкен мақтаныш. Қымбатты жас достар! Отбасыдан басталған бақытты балалық шақтарыңыз Отанына адал азаматы болуға жетелесін.//

Мереке аясында «Біз бақытты баламыз!» тақырыбында сурет салудан сайыс өтті. Балалар туған жердің киелі орындарын салудан жарысты. Бұл балалардың шығармашылық шырағын жағып, танымын кеңейтері сөзсіз.

ЕРНҰР СМАЙЫЛОВ – ОҚУШЫ //Мен сурет салуды мектепте жүріп үйрендім. Яғни, 9 жасымнан бастап сурет салып келемін. Дәл қазір мен табиғат пен баланың суретін салып отырмын. 00:03 1 маусым – балаларды қорғау күнімен барлық достарымды шын жүректен құттықтаймын. Және осындай іс-шаралардың көп болуын қалаймын.//

Балалар мен олардың ата-анасы қатысқан отбасылық эстафета көңілді болды. Командаға бөлініп сынға түскен қатысушылар түрлі кедергілерден өтіп, жылдамдыққа жүгірді. Жеңімпаз жанұяларға аудан әкімінің алғыс хаты мен естелік сыйлықтар табысталды.
СНХ: АЯГӨЗ БАҚЫТОВА – ОҚУШЫ //Балалар күні құтты болсын. Өзімнің достарымды, жақындарымды құттықтаймын. Ұйымдастырушыларға көп-көп рақмет. Отибасылық эстафета қатыстық. Өте жақсы әрі тартысты өтті.//

ДІН-МҰХАМЕДӘЛИ ШОРАЕВ – АУДАН ТҰРҒЫНЫ //Кішкентай балғындарымыз аман болсын. Дендері сау болып, біздің көз қуанышымыз болып жүре берсін.//

Айта кету керек, биыл Арал ауданы бойынша 16 мыңға жуық оқушыны жазғы демалыспен қамту жоспарланған.

САНИРА ЖАННАЗАРОВА – АУДАНДЫҚ БІЛІМ БӨЛІМІНІҢ БАСШЫСЫ //Мұның ішінде Қамбаш балаларды сауықтыру орталығы сонымен бірге, облыстан, ауданнан тыс жердегі демалыс лагерлері, Түркістан, Қызылорда қаласына саяхаттар ұйымдастыру, бұдан бөлек мектептердің ұйымдастыруымен болып жатқан шатырлы лагерлер, ыстық тамақпен қамтылатын және ыстық тамақсыз жүргізілетін мектеп жанындағы лагерлер болып отыр. Мұнан бөлек, барлық балаларды демеушілердің есебінен үлкен қалаларға саяхаттау жоспарлануда. 01:40 Ерекше балаларға арналған 50 орындық қала орталығындағы «Мейірім» балабақшасы өз жұмысын бастауға дайын тұр.//

Мереке аудандық мәдениет үйінде «Әнші балапан» дәстүрлі байқауымен жалғасты. Балалардың шығармашылыққа деген талпынысын арттыру мақсатында ұйымдастырылған байқауда 15 бүлдіршін бақ сынады. «Отан», «Ана», «Достық» тақырыбында әндер шырқап, түрлі ұлттың билерін биледі. Қазылар алқасының шешімімен жеңімпаз атанғандарға арнайы димлом пен сыйлықтар табысталды.

Мұнан кейін, аудан әкімінің кубогы үшін үстел теннисінен мектеп оқушылары арасында жарыс өтті. Алғаш рет ұйымдастырылған сайысқа 15 команда 70-ке жуық спортшы қатысып, мықтыны анықтады. Жылдамдыққа бағытталған бәсекеге қатысушылар қызу дайындықпен келген.

Сайыстың мақсаты – салауатты өмір салтын қалыптастырып, жастарды спортпен шұғылдануға шақыру. Ойын нәтижесі бойынша жеңімпаз командалар аудан әкімінің алғыс хаты және бағалы сыйлықтармен марапатталды.

Сайт - https://qyzylordatv.kz/ru/live
Facebook - https://www.facebook.com/qyzylordatv/
Instagram - https://www.instagram.com/qyzylordatv/
Telegram - https://t.me/qyzylords_tv
Tiktok -https://www.tiktok.com/@qyzylorda_tv/