Батыс Қазақстан облысындағы «Рожков» кен орны іске қосылды

Батыс Қазақстан облысындағы «Рожков» кен орны іске қосылды. Бәйтерек ауданындағы шикі газ өндіретін орынның жылына 1 миллиард текше метр газ өндіру мүмкіндігі бар. Мамандар жаңа өнеркәсіп елдегі көгілдір отын тапшылығының алдын алуға сеп болмады дейді.
2008 жылы ашылған Рожков кен орнына жүргізілген тиімді геологиялық техникалық, барлау жұмыстары бүгінгі таңда өз нәтижесін беріп отыр. Осы уақытқа дейін жасалған жұмыстар толыққанды аяқталып, кен орны пайдалануға берілді. Табиғи газ көлемінің қосымша көзінен жыл сайын 1 миллиард текше метр көгілдір отын алу көзделіп отыр. Сонымен бірге 500 мың тоннадан астам конденсат пен 150 мың тоннадан астам сұйытылған көмірсутекті газ өндіру де жоспарланып отыр.
МАҒЗҰМ МЫРЗАҒАЛИЕВ «ҚАЗМҰНАЙГАЗ» ҰК АҚ Басқарма төрағасы:
– Президент ҚТ мұнай-газ саласын жандандыру бойынша бірнеше тапсырма берген болатын. Сол тапсырмалар аясында біз биыл үш газ кен орнын іске қостық. Қызылорда облысында орналасқан "Оңтүстік Ақсай" газ кен орнын, Ақтөбе облысында орналасқан "Шығыс Өріктау" кен орнын іске қостық. Енді міне "Рожков" кен орнын іске қосып жатырмыз. Біз әрине осы жұмыспен, осы жобалармен тоқтамаймыз.
«Рожков» кен орнынан 2040 жылға дейін 14,2 миллиард текше метр шикі газ бен 7,1 миллион тонна конденсат алу жоспарлануда. Осы кен орнындағы өндірістің іске қосылуымен, елімізді көгілдір отынмен қамтамасыз ету бойынша қосымша тауар газы өндірісінің көлемі ұлғайады.
НАРИМАН ТӨРЕҒАЛИЕВ, Батыс Қазақстан облысының әкімі:
– Біз Атырау жаңағы Ақтөбе облысынан сұйытылған газ тасып отырмыз. Сол тапшылықтан біз құтыламыз. Яғни өзіміздің осы зауыттан өндірілген газды пайдаланатын боламыз. Бұл ең жақсы жаңалық деп айтқым келеді.
Кен орнын игеру үшін үш серіктес жұмыс істеуде. "ҚазМұнайГа"з компаниясы 50 пайызына иелік етсе, Венгриялық MOL компаниясы 27,5 пайызына, қалған 22,5 пайызы қытайлық Sinopec компаниясына тиесілі. «ҚазМұнайГаз» Басқарма төрағасы Мағзұм Мырзағалиев тауарлық газды жеткізу мәселесі де ерекше маңызға ие екендігін атап өтті. Кен орнынан өндірілген шикі газ «Жайықмұнай» газ өңдеу кәсіпорнына жіберіліп, одан әрі тауарлық газ ішкі нарыққа жеткізілетін болады.






Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#Информбюро #31арна #Жаңалықтар #БастыЖаңалықтар #Нашиновости #Сегодня #Қазақстан #31канал