Биыл дауылпаз ақын, жалынды жыршы Махамбет Өтемісұлының туғанына 220 жыл толды

Биыл дауылпаз ақын, жалынды жыршы, күйші-композитор Махамбет Өтемісұлының туғанына 220 жыл толды. Осыған орай Атырауда республикалық театрлар фестивальінің ашылу салтанаты өтті. Енді әр өңірден жиналған театр саңылақтары бір апта бойы мұнайлы өлкеде өнер көрсетпек.
Фестивальге қатысқан театрлар бір апта бойы Атырау жұртшылығына ең таңдаулы қойылымдар қояды. Мәдени шараның алғашқы күні Махамбет атындағы академиялық қазақ драма театрының бас суретшісі, «Құрмет» орденінің иегері Темірбек Мұхтаровтың «Суретші көзімен» атты кітабының тұсаукесері өтті. Туынды 500 данамен басылып шыққан.
ТЕМІРБЕК МҰХТАРОВ, Атырау облыстық махамбет атындағы академиялық қазақ драма театрының бас суретшісі:
– Мұны алдағы уақытта ұлттық кітапханаларға жеткізгім келеді. Өйткені енді тиражы аз ғой көріп отсыздар. Сондықтан, мен бұны электронды түрде шығартуға жұмыстанатын боламын. Осылай барлық кітапханаларға жол табады ғой деп ойлаймын.
Ары қарай, шара ақын-жазушы Тәкен Әлімқұловтың «Қош бол, Қараой!» реквиемімен жалғасты. Жалпы қойылым Исатай өлгелі 8 жылдан астам уақыт жалғыздық зарын шеккен Махамбет өмірінің соңғы күнін, ақырғы сәтін суреттейді.
АСЫЛБЕК ИХСАНОВ, ҚР Жазушылар одағының мүшесі:
– Қазақ театры қазіргі жағдайда қалай қарай кетіп бара жатыр?! Енді әлемде неше түрлі театр мектептері бар. Неше түрлі бағыт- бағдарлары бар. Біздің режиссура қалай қарай кетіп бара жатыр. Енді Қазақстан режиссурасында жастарды жақсы білем осы Атырау театрында да еуропалық деңгейде өнер көрсете алатын біздің спектакльдеріміз бар
Айта кетейік, фестиваль 18 қарашаға дейін жалғасады. Қазылар алқасы құрамында жазушы драматургтер, театр сыншылары, кәсіби әртістер де бар. Олар әр қойылымды тамашалап ғана қоймай, актерлік шеберлік, сахна мәдениеті, тіпті костюмнен бастап сахна реквизиттеріне дейін бағалайтын болады.







Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал