Болат Ақшолақов Caspian BINOM School мектеп-лицейінің техникалық ашылуына қатысты

9 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Aug 28, 2026

Болат Ақшолақов Caspian BINOM School мектеп-лицейінің техникалық ашылуына қатысты

Облыс әкімі Болат Ақшолақов Атырау қаласының Кенен Әзірбаев көшесінде орналасқан Caspian BINOM School мектеп-лицейінің техникалық ашылуына қатысты.

Бұл — Атыраудағы BINOM School желісінің төртінші мектебі. Білім ордасы екі ауысымда 4 000 шәкірт оқытуға шақталған. Мектеп жаңа оқу жылында 1-11-сынып оқушыларын қабылдайды. Бүгінде 3 200 өтініш түскен. Мекемеде 182 педагог білім береді.

BINOM School желісінің атқарушы директоры Шолпан Қадырованың айтуынша, білім беруде робот техникасын, жаратылыстану және ғылыми пәндерді, соның ішінде физика, химия, биологияны жасанды интеллект технологияларын қолдана отырып дамыту негізгі бағыттың бірі ретінде қарастырылады.

— Мектепте 127 оқу кабинеті, заманауи зертханалар, кітапхана, төрт спорт залы және 414 орындық акт залы бар. Бұған қоса, асхана, STEM кабинеттері, хореография, кино және хор залдары, балалардың шығармашылығы мен зиятын дамытуға арналған арнайы кеңістіктер қарастырылған. Біз балаларды 1 қыркүйектен бастап қабылдауға дайынбыз, — деді ол.

Жаңа білім ошағының ашылуы оқушы орындарын көбейтіп, үш ауысымда оқытатын мектептерге түсетін салмақты азайтуға мүмкіндік береді. Жалпы аумағы 3,1 гектар нысанды “KAZPACO” ЖШС салды. Құрылысқа 350 маман мен 16 арнайы техника жұмылдырылған. Мектепке келушілерге 120 орындық автотұрақ дайындалған.

Облыс әкімі сөз соңында жобаны іске асыруға атсалысқан құрылысшылар мен мамандарға ризашылығын білдірді.