Борышкерлерге қарсы рейд

11 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель May 5, 2025

Қала тұрғындарының коммуналдық қызметтер үшін берешегі 1,6 миллиард теңгеден асты. Коммуналдық мекемелер мәжбүрлі шараларға барып отыр. Біздің түсірілім тобы осындай рейдтердің біріне қатысып, жағдаймен көзбе-көз танысты.
Қалалық коммуналдық қызметтер тарапынан берешекті азайту мақсатында тұрақты түрде рейдтер өткізіліп, төлемнен жалтарып жүрген борышкерлер өркениет игіліктерінен ажыратылып жатыр. Мамандардың мәліметінше, бүгінде 23 475 тұтынушының берешегі бар. Жалпы қарыз көлемі — 1 миллиард 600 миллион теңгеден асады.
Виктория Новокрещенова, «Оқжетпес-Т» ЖШС өндіріп алу бөлімінің басшысы: «Сонымен қатар, заңды және жеке тұлғалар берешекті өтемеген жағдайда, «Оқжетпес-Т» ЖШС жылу энергиясын пайдалану ережелерінің 34-тармағы мен елді мекендердегі сумен жабдықтау және су бұру жүйесін пайдалану ережелерінің 30-тармағына сәйкес, жасалған келісімшарттарды біржақты тәртіппен орындауды тоқтатуға, яғни коммуналдық қызметтерді толық немесе ішінара тоқтатуға құқылы. Коммуналдық қызметтерді әр есепті айдан кейінгі айдың 25-іне дейін уақытылы төлеулеріңізді сұраймыз».
Мамандардың айтуынша, борышкерлермен алдын ала жұмыс жүргізіледі: азаматтарды қабылдау ұйымдастырылып, берешекті ерікті түрде өтеу тәртібі және мәжбүрлеп өндіріп алу салдары түсіндіріледі. Қарыз өтелмеген жағдайда, құжаттар нотариусқа жолданып, атқарушылық жазба жасалады. Бұл іс материалдарының жеке сот орындаушыларына берілуіне алып келеді.
Мадияр Абенов, Қарағанды облысының сот орындаушысы: «Міндетті түрде орындалатын шаралар — екінші деңгейлі банктегі шоттарға тыйым салу, мүлікке, яғни пәтерге арест қою, нотариаттық әрекеттерге тыйым салу. Егер автокөлік болса, ол да арестке алынып, мүлікті иеліктен шығару шектеледі. Сонымен қатар, автокөлік патрульдік полиция арқылы іздеуге жарияланады. Мұндай шаралар қабылданып, борышкерлер Әкімшілік құқықбұзушылық туралы кодекстің 669-бабы бойынша жауапкершілікке тартылады».
Сонымен қатар, сумен жабдықтау және су бұру жүйесін пайдалану ережелеріне сәйкес, пломбаны заңсыз шешкен жағдайда тұтынушыға айыппұл салынып, тұтынған қызмет көлеміне қайта есеп жүргізіледі.
Виктория Новокрещенова, начальник отдела взыскания ТОО «Окжетпес -Т»: «Бұрын біз пломба қоятынбыз. Бірақ қызметкерлер кеткеннен кейін, борышкерлер пломбаны шешіп, коммуналдық қызметті әрі қарай пайдалана береді. Сондықтан біз енді бұдан да қатаң шараларға көшуге мәжбүрміз.»
Біздің түсірілім тобы «Оқжетпес-Т» ЖШС мамандарымен бірге қала аудандарының біріне барып, борышкерлерді сумен жабдықтау жүйесінен ажырату барысын көрсетті.
Коммуналдық қызмет өкілдері мұндай қадамға көптеген ескертулер мен хабарламалардан кейін ғана баратынын айтады.
Коммуналдық қызметтерді келеңсіз жағдайлардың алдын алу үшін есепті айдан кейінгі айдың 25-іне дейін төлеу қажет екенін ескертеді.

Категория: Темиртау

Комментариев нет.

Вход

Создать аккаунт

Борышкерлерге қарсы рейд

Следующее