Борышкерлерің берешегі 270 млн теңгеден асқан

Алимент өндіру ісі өте өзекті болып отыр. Облыстық Әділет департаменті басшысының орынбасары Жамбыл Асадинұлы аталған мәселе бойынша өткен жиында осылай деді. Енді борышкерлерден берешекті өндіру мақсатында жүргізілетін шаралар күшейтіледі..

Себебі, өңірде 12 мыңнан аса борышкер бар. Бүгінде олардың берешегі 270 миллион теңгеден асады. Әділет департаменті басшысының орынбасары қазір орындалып жатқан істердің 300-ге жуығы проблемалық екенін айтты. Оларға жеке сот орындаушылар Заң аясында мәжбүрлеп орындау шараларын жүргізіп жатыр. Айта кетейік, өткен жылы 398 борышкер әкімшілік жауаптылыққа тартылған болатын. Сондай-ақ, қылмыстық қудалау органдарына 26 ұсыныс жолданып, оның ішінде 3 борышкер облыстық мамандандырылған ауданаралық кәмелетке толмағандардың істері жөніндегі сотының үкімімен 1 жылға бас бостандығынан шектелген. Жамбыл Асадинұлының сөзінше, берешегі бар борышкерлерді жұмысқа орналастыру мақсатында түрлі жәрмеңкелер өткізіліп келеді. Өткен жылдың өзінде 152 борышкер тұрақты жұмысқа орналастырылған. Енді, жұмысы бар, бірақ өз баласына ақша беруден жалтарып жүргендерден мәжбүрлі түрде өндіру ісі күшейтілмек.

ЖАМБЫЛ АСАДИНҰЛЫ – ОБЛЫСТЫҚ ӘДІЛЕТ ДЕПАРТАМЕНТІ БАСШЫСЫНЫҢ ОРЫНБАСАРЫ //Бірінші наурыздан бастап рейдтік шара жүреді. Яғни, автокөліктерін бұғаттау, сонымен қатар есепшоттарын бұғаттау. Шетелге шығу, Қазақстан Республикасының аумағынан шығып кетуге тиым салу. Қасақана берешек сомасын төлемеген борышкерлерге Қазақстан Республикасының қылмыстық кодексінің 139 бабымен қылмыстық жауапкершілік көрсетілген. Осы баппен 3 борышкер жауапқа тартылған. Осы бағыттағы жұмысты күшейту мақсатында жиын өтті.

Сайт - https://qyzylordatv.kz/ru/live
Facebook - https://www.facebook.com/qyzylordatv/
VK - https://vk.com/qyzylordatv
Instagram - https://www.instagram.com/qyzylordatv/
Telegram - https://t.me/qyzylords_tv
Tiktok -https://www.tiktok.com/@qyzylorda_tv/