Былтыр "Бірыңғай кешенді бағдарлама" шеңберінде 1300 жобаға қолдау көрсетілген

Былтыр "Бірыңғай кешенді бағдарлама" шеңберінде 1300 жобаға қолдау көрсетілген

Өңірдегі шағын және орта кәсіпкерлік секторын дамыту бойынша жүйелі шаралар қабылдануда,- деп хабарлайды Өңірлік коммуникациялар қызметі.

Өткен жылғы статистика бойынша облыста тіркелген шағын және орта кәсіпкерлік субъектілерінің саны 68 мыңнан асты. Жұмыс істейтін шағын және орта кәсіпкерлік субъектілерінің саны — 63 180. Ал 2024 жылдың 3 тоқсандағы жағдайына сәйкес, ШОК-та жұмыспен қамтылғандар саны 152,8 мың адам.
Шағын және орта кәсіпкерлікті қолдау бағытында өңірде кәсіпкерлік субъектілерді төмен пайыздық несиемен қамтамасыз ету мақсатында мемлекеттік және жергілікті түрлі бағдарлама жүзеге асырылуда.

- 2024 жылдың 3 тоқсандағы жағдайға сәйкес, ШОК-та жұмыспен қамтылғандар саны 152,8 мың адам болса, олармен өндірілген өнім көлемі 4 251, 2 млрд.теңгеге жетті. Қазіргі таңда кәсіпкерлер арасында сұранысқа ие бағдарламалардың бірі — «Бірыңғай кешенді бағдарлама». Оның шеңберінде былтыр 1300-ден астам жоба қолдау тауып, олармен 1000 шақты жаңа жұмыс орны құрылмақ,- дейді Кәсіпкерлікті қолдау бөлімінің бас маманы БибігүлТоғызова.

Сондай-ақ «Бизнес аймақ» өңірлік бағдарламасы шеңберінде («Аграрлық несие корпорациясы» АҚ) ауыл кәсіпкерлерін жеңілдетілген несиемен қамтамасыз ету мақсатында жергілікті бюджеттен қаржы қарастырылып, кәсіпкерлерге қолдау көрсетілуде.
2024 жылы ауыл кәсіпкерлерін несиелендіру үшін  жергілікті бюджеттен 480 млн теңге бөлініп, нәтижесінде 31 кәсіпкердің жобасы қаржыландырылды. Қаржылық емес қолдау шаралары бойынша бизнесті ақпараттандыру мақсатында кәсіпкерлік субъектілері арасында мемлекеттік және жергілікті бағдарламалардың қолдау құралдары туралы түсінік жұмыстары кеңінен жүргізілуде.

2024 жылы 668 кәсіпкерлік субъектісіне 682 сервистік қызмет көрсетілді.
Бизнесті ақпараттандыру мақсатында жыл басынан бері кәсіпкерлер арасында мемлекеттік және жергілікті бағдарламалардың қолдау құралдары туралы түсінік жұмыстары кеңінен жүргізілуде. Мемлекеттік органдар мен қаржы институттары өкілдерінің қатысуымен облысымыздың барлық ауданын қамтумен 2024 жылдың басынан бері 3000-нан астам қатысушысы бар 26 кездесу өткізілді.

Қазіргі таңда осы бағытта құралған топпен жүзеге асырылып жатқан мемлекеттік қолдау шараларын түсіндіру жұмыстарын жүргізу мақсатында 17 ақпан мен 5 наурыз аралықтарында облысымыздың аудандарында түсіндірме жұмыстары жүргізілуде.