Бірнеше дәуірді тоғыстырған креативті кеңістік

16 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Aug 7, 2026

Ретро стильдегі фото жасау үшін Еуропаға ұшып, немесе музейлерді аралаудың қажеті жоқ. Алматыда ескі қала көшесі, кеңестік дәуірдегі пәтер мен сән-салтанаты келіскен батыстың тарихи интерьері тоғысқан ерекше фотокеңістік бар.
Бұл фотосурет саласына 40 жылын арнаған алматылық Борис Брульдің еңбегі. Мына жер ескі Еуропаның тар көшелерімен серуендеп жүргендей әсер қалдырады. Дәмхана үстелдері, шағын бұрылыстар, ондаған есік... Бірақ мұқият қарасаңыз, мұндағы дүниенің басым бөлігі - шебердің қолымен жасалған декорациялар. Бұл ерекше атмосфераны алматылық фотограф Борис Бруль жылдар бойы қалыптастырған. Есіктерді, маңдайшаларды, шамдарды және басқа да заттарды өзі жинап, қарапайым ауланы нағыз фототүсірілім қалашығына айналдырған. Мұнда ерекше назар аударатын тағы бір нысан бар - кеңес дәуірінен қалған «Фотоателье» маңдайшасы. Бір кездері ол фотошеберхананы білдірсе, бүгінде осы ерекше орынның ең танымал белгілерінің біріне айналған.
Фотокеңістікті жасауға бірнеше жыл кеткен. Әртүрлі дәуірдің атмосферасын тоғыстырған ескі көше жасау идеясы мына кірпіш қабырғадан басталыпты. Интерьердегі көптеген көне бұйымдарды иесі жайма базарлардан, шетел сапарларынан және жеке коллекционерлерден жинаған.

#хабар24 #казахстан #жаңалықтар #новости