Бір шегесіз салынған Жаркент мешітіне келетін туристер көбейді

52 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Feb 12, 2026

Ұлттық құрылтайда Президент құнды жәдігерлерді ЮНЕСКО-ның бүкіләлемдік мұралар тізіміне қосуды тапсырды. Мемлекет басшысы атап өткен танымдық әрі тағылымдық мәні зор тарихи орындардың бірі – Жаркент мешіті.

Мешіт – бір де бір шегесіз жергілікті қарағай ағашын қиюластыру арқылы салынған. Биіктігі 22 метр. Мұндай ағаш сәулет өнерінің жауһары әлемде тек 3 елде ғана бар екен. Бүгінге дейін бүтін жеткені, әрі ең үлкені осы Жаркент мешіті. Жойқын зілзала мен алапат дауыл кезінде де іргесі сөгілмеді.

Мамандардың айтуынша мешіт құрылысына қолданылған кірпіштің құрамы әлі күнге дейін белгісіз. Қабырғасындағы көне парсы жазуының да сыры толық ашылмаған. Бұл араб жазулары кез келген ғалымға оңай ашыла салатын дүние емес. Сондай-ақ ғимараттың қабырғасында мыңнан астам ою-өрнек түрі бар.

Бүгінде Жетісудағы негізгі туристік нысандардың бірі болып саналатын сәні мен сәулеті келіскен ғимаратты тамашаулауға жылына 7 мыңға жуық шетелдік ат басын бұрады.

Дереккөзі: «Qazaqstan» телеарнасы