Бүгін Атыраулық мыңға жуық бүлдіршін қуанышқа кенелді

Бүгін Атыраулық мыңға жуық бүлдіршін қуанышқа кенелді. Қаланың әр аумағынан үш бөбекжай жұмысын бастады. Бұл нысандар әкімдіктің әмиянынан емес, кәсіпкерлердің қалтасынан салынды. Жергілікті билік мемлекеттік-жекеменшік жобасы аясында балабақша сұранысын азайтқандарын айтады.
«Дарын», «Жанбота» және «Береке» бала-бақшаларының әрқайсысы үш жүз бүлдіршінді сыйдыра алады. Су жаңа мектепке дейінгі білім беру мекемелерінің ашылуына аймақ басшысы да арнайы келді. Құттықтау сөзінде мемлекеттік-жекеменшік әріптестік жобалардың жемісін жіпке тізді. Ел президентінің балаларға сапалы білім, саналы тәрбие беру ісін аймақта сәтті сабақтасқанын жеткізді.
СЕРІК ШӘПКЕНОВ, Атырау облысының әкімі:
— Бала деген біздің болашағымыз. Ертеңгі қоғам ол осы қазіргі кішкентай бүлдіршіндерімізден басталады. Тиісті деңгейде тәрбие алып, білім алып, бәсекеге қабілетті ұлт болуына ертеңгі таңда елімізге адал қызмет етуіне жағдайы жасау біздің парызымыз.
Бұл бөбекжайларда жайлы жағдай жасалған. Замануи жабдықталған нысандар кең бөлмелерден кенде емес. Асхана, ойын алаңы, спорт залда қажетті қондырғылармен қамтамасыз етілген. Тіпті логопед және психолог сынды медициналық бөлмелер де қарастырылған. Бала бағуға сексенге жуық қызметкер тартылған. Ұл-қыздар 12-топқа бөліп тәрбиеленеді.
АЛТЫНШАШ КҰРМАШЕВА, Атырау қаласының тұрғыны:
— Үш баланың анасымен. Екі балам мектеп жасында болса мектепке дейінгі бала-бақшаға баратын екі жастағы қызым бар. Осындай шағын ауданда ашылып жатқан заманауи жаңа форматтағы жаңа үлгідегі бала-бақшаға баратынына мен қуаныштымын.
Бұдан былай балабақшаға баласын тіркеу электрондық нұсқада жүрмек. Желтоқсаннан бастап қала тұрғындары балаларын арнайы ақпараттық жүйемен бөбекжайға бере алады. Жыл соңына дейін Атырауда тағы алты осындай бөбекжай ашылып, 1740 баланы қамту жоспарланған. Бұл балабақшаға деген сұранысты 15 пайызға азайтады.



Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал