Дәрігерлердің салғырттығы себеп пе?

Атырау облысында емханада көз жұмған әйелдің туыстары қайғылы оқиғаға дәрігерлерді кінәлайды. Марқұмның туыстары медицина мамандарының салғырттығы өлімге себеп деп отыр. Айна Мәулімова өткен аптада есту қабілеті нашарлап, емдеу мекемесіне барған. Бірақ ақ халаттылар салған алғашқы уколдан кейін өзін жайсыз сезініп, жүрегі тоқтады дейді жақындары. Қазір сот-медициналық сараптама тағайындалды.
51 жастағы Айна Мәулімованың күйеуі әйелінің өліміне дәрігерлерді кінәлап отыр. Оның айтуынша, қараша айында келіншегі есту қабілетінің нашарлағанына шағымданып, емханаға барған. Дәрігерлер науқасқа «сол жақ құлақ кереңдігі» диагнозын қойып, ем тағайындаған екен. "Сол күні ақ халаттылар дәріні тамырына ине салу арқылы берген. Көп ұзамай келіншегім есінен танып құлады,"— дейді марқұмның күйеуі. Айна сол күйі есін жимастан көз жұмыпты.
ЖҰБАТ ІЗБАСОВ, марқұмның күйеуі:
— Сурдологка барған. Сурдолог енді о кісінің емін дұрыс шығар деп ойлаймыз енді. Енді мындағы учасковый терапевтіміз өзінің жұмысына салғырттық қарап тұр ғой. Медицинадан хабары жоқ адамға да белгілі, оны алғанда кавинтонды бірден тамырға салып жіберген. Системамен салатын уколды бірден тамырға айдаған ғой. Әділдігін талап етем, кінәлілер жазалансын. Кім кінәлі соны анықтаса екен.
Ал дәрігерлер қайғылы оқиғаға қатысты сот медициналық сараптама тағайындалғанын жеткізді. Алдын ала болжам бойынша келіншектің өліміне анафилактикалық шок себеп. Қазір марқұмды қабылдаған екі дәрігер басқа қызметке ауыстырылыпты.
ДИНА КАМИЛОВА, №1 қалалық емхананың дәрігері:
— Бүгінде сот-медициналық сараптама жүргізіліп жатыр. Нақты диагноз бен неден болғаны сараптамадан кейін белгілі болады. Бірақ біз анафилактикалық шок деп ойлап отырмыз. Дәрінің бәрі сараптамадан кейін айтылады. Кавинтон дәрісін салды. Бұл жүйкеге, құлаққа арналған дәрі. Бұл дәріге алдын ала проба жасалмаған. Көбіне мұны біз антибиотикпен бірге жасаймыз. Сараптама нәтижесі шықсын.
Қара жамылған отбасы полицияға шағым түсірмек. Марқұмның артында екі ұлы, бір қызы қалды.



Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал