Еліміздің солтүстігінде жүргізушілер бір аптадан бері бензин таппай жүр

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Еліміздің солтүстігінде жүргізушілер бір аптадан бері бензин таппай жүр. Облыс орталығында ең өтімді АИ-92 жанармайы бекеттердің көбінде тек талонмен беріліп жатыр. Ал еркін сатылып жатқан жерлерде шеті жоқ кезек. Тіршілігі тұралап, тығырыққа тірелген көлік иелері тапшылық бензин бағасын өсіру үшін қолдан жасалды деп топшылайды. Ал, шенеуніктер бұл жағдайға жалғыз ғана фактор әсер еткенін айтады. Ол қандай себеп? Мәселе қашан шешіледі? Өңірдегі әріптесім біліп келді.
Бензин тек талонмен беріледі". Петропавлдың жүргізушілері бір аптадан бері жанармай құю бекеттерінің көбінен дәл осындай жауап естіп жүр. Ал АИ-92 маркалы отыны қолма-қол ақшаға сатылатын жерде көлік нөпірі көп. Жүргізушілер күніміз кезек күтумен өтіп жатыр деп қынжылады.
МИХАИЛ ЕЛЕСЕЕВ, жүргізуші:
- Қаладағы жағдай осы. Бензин жоқ. Ал мәселе неде екенін білмеймін. Бірақ бұл мүлдем дұрыс емес. Халықты қинап қойды.
Талон таппай қиналған жүргізушілер амалдың жоқтығынан АИ-95 маркалы отынды құюға мәжбүр. Жалпы, өңірде бензиннің сұранысқа ие АИ-92 маркасы 205 теңге тұрады. Баға әзірге тұрақты. Бірақ көлік иелері тапшылық жанармай құнын қымбаттату мақсатында қолдан жасалуы мүмкін дейді.
АЙТОЛЛА ҒАББАС, жүргізуші:
- Шельфтегі заправкаға келіп, 92 заправка жасайын десем жоқ. 92 по талонам беріліп жатыр. Сондықтан, 95 алуға мәжбүр болдым. Басқа шельфтің станцияларында осындай жағдай барлық жерде талондармен, ал талонды қайдан алатынымызды білмейміз. Тапшылықты қолдан жасап жатыр деп ойлаймын.
Ал жергілікті билік өкілдері мұнай өңдеу зауыттарында бензин жеткілікті деп отыр. Тек жанармайды өңірге тасымалдау мәселесінде қиындықтар туындағанын жеткізді. Бензиннің қат өнімге айналуына жалғыз осы фактор әсер еткенін алға тартты.
ҚАНАТ ШАМСУТДИНОВ, СҚО кәсіпкерлік және индустриялық-инновациялық даму басқармасы басшысының міндетін атқарушы:
- 12 тамыздан бастап "Солтүстік отын компаниясының" 13 жанармай құю станциясында Аи-92 маркалы бензин тек талонмен беріліп жатыр. Өйткені бензин өңірге уақытылы жеткізіліп жатқан жоқ. Қазіргі уақытта бензиннің бір бөлігі әкелінді. Аудандарда аталған отын еркін сатылымда болады. Тек қалада мәселе толық шешілмегенше уақытша талонмен беріледі. Қазіргі күні Атырау мен Павлодар зауыттарынан қосымша өнім келе жатыр.
Шенеуніктер бензин тапшылығы жақын күндері шешіледі, алаңдауға негіз жоқ дейді. Ал, жанармай бағасы көтерілмейді деп сендірді.
Руслан Жасұланұлы, Азамат Елубаев Информбюро СҚО
--------------------------------------------
Теңдессіз жобамызға көз салыңыз: https://www.youtube.com/playlist?list=PLn2OyECVOtB8ZSSBwiA43xi-_dRdDnFhq
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr
Біз барлық әлеуметтік желідеміз, тіркеліңіз:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық