Ерлігіңіз – біздің мақтанышымыз!

9 Просмотры

  • Спасибо! Поделитесь с друзьями!

    Вам не понравилось видео. Спасибо за то что поделились своим мнением!

admen
Издатель
Теміртаудағы Ұлы Отан соғысының жалғыз ардагері – Николай Семенович Куриленконы Жеңіс күнімен құттықтады. Қала әкімі Ғалым Әшімов 98 жастағы ардагерге арнайы барып, құттықтауын білдіріп, сый-сияпат табыс етті.
Николай Семенович Куриленко – Теміртаудағы Ұлы Отан соғысының соңғы ардагері. Оның әкесі, майдангер, 1942 жылы Сталинград түбінде қаза тапқан. Бір жылдан кейін, 17 жастағы Николай соғысқа өз еркімен аттанды. Көру қабілетіне байланысты әскерге қабылданбағанына қарамастан, ол табандылық танытып, әуе шабуылынан қорғаныс құрамында қызмет атқарды. Шығыс Пруссияда Жеңіс күнін қарсы алды. Теміртау қаласының әкімі Ғалым Әшімов ардагердің туған күнінде де арнайы барып құттықтаған еді. Бүгін ол үшін одан да маңызды мерекемен құттықтады – Ұлы Жеңіс күнімен.
Соғыстан кейін Николай Семенович Унеча қаласына оралып, теміржол саласында жұмыс істей бастады. 1958 жылы Қазақстан Магниткасының құрылысы туралы оқып, Теміртауға көшіп келді. Коксохим іргетасын қалауға қатысқан. Кейін Теміртаудағы партия ұйымының саяси бюросының хатшысы болып сайланды. Одан кейін энергетика шаруашылығындағы жылумен жабдықтау цехының бастығы қызметін атқарды. Осы қызметтен зейнетке шықты.
Құттықтау сәтінде Николай Семеновичтің сүйікті әндері шырқалды. «Смуглянка», «Катюша», «Қараңғы түн» – сияқты әндер соғыс кезіндегі күндерді, Жеңістің қуанышын еске түсіріп, жүректе терең эмоциялар оятады. Ардагер бұл әуендерді ерекше тебіреніспен тыңдап, бірге қосылып шырқады.
Николай Семенович жұбайынан айырылған соң, кіші қызы Юлиямен бірге тұрады. Қызы әкесінің өмірі тек жағымды эмоцияларға толы болуына тырысады. Оның айтуынша, әкесі өмірге әрдайым оптимистік көзқараспен қарайды. Ардагерге зор денсаулық пен ұзақ ғұмыр тіледі. Оның әрдайым қысқа ғана айтып өтетін ерлігі – бәріміз үшін өте маңызды.
Категория
Темиртау
Комментариев нет.

Следующее

Разработка сайта Creative Lab в Актау ПЕРЕЙТИ НА МОБИЛЬНУЮ ВЕРСИЮ САЙТА