Есігі жабылмаған шаңырақ | Хайролла Қожахметұлы мен Алма Қыдырғалиқызы туралы деректі фильм

16 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Oct 13, 2026

«Есігі жабылмаған шаңырақ» — атамыз Хайролла Қожахметұлы (1909–1986) мен әжеміз Алма Қыдырғалиқызы (1922–2011) туралы деректі фильм. Фильм ұрпақтарының берген еске алу асында (2026 жылғы 11 қазан) көрсетілді.

Жетімдікті, соғысты, нақақ жаланы бастан өткерген, бірақ адалдығынан айнымаған екі жанның өмір жолы. Хайролла ата 12 жасында жетім қалып, байдың малын бағып өсті, «Еңбек» колхозының председателі болды. 1942 жылы майданға аттанып, 51-гвардия атқыштар дивизиясының 158-гвардия атқыштар полкы мен 370-атқыштар дивизиясының 1232-атқыштар полкында минометші болды. Невель маңындағы шайқастарда 10 елді мекенді азат етуге атсалысты, екі рет ауыр жараланып, елге мүгедек болып оралды. Қызыл Жұлдыз, I дәрежелі Ұлы Отан соғысы ордендерімен, «Жауынгерлік еңбегі үшін» медалімен марапатталды.

1953 жылы жалған донос бойынша сотталып, 1954 жылы толық ақталды. 2023 жылы есімі саяси қуғын-сүргін құрбандары туралы «Халық жады» жинағына енді. 2026 жылы Атырау қаласы, Самал шағын ауданындағы №1 өткелге «Хайролла Қожахметов өткелі» деген атау берілді.

Алма әже — Қожантай қажының ұлы Қыдырғалидың қызы, шаңырақтың ұйытқысы. Атырау қаласы, Червякова көшесіндегі 32-үйдің есігі ешқашан жабылмаған.

Тараулар:
0:00 Кіріспе
0:46 Жетімдікпен өткен балалық шақ
1:33 Колхоздағы еңбек жолы
2:09 Майдан жолы
3:21 Нақақ жала және ақталу
4:49 Алма әжеміз және шаңырақ
5:48 Есігі жабылмаған үй
6:27 Құрмет пен қоштасу
7:34 «Хайролла Қожахметов өткелі»
8:10 Қорытынды

Мәтінді оқыған: Қарылғаш Таласбаева
Фильмді дайындаған: жиені Алмас Нұрғалиев

Атамыздың майдан жолы туралы алдыңғы видео: https://youtu.be/dJBqEKpwgwQ

Алла Тағала атамыз Хайролла мен әжеміз Алманың топырағын торқа, жатқан жерлерін жайлы, иманын саламат етсін!

#ХайроллаҚожахметов #ЕсігіЖабылмағанШаңырақ #ҰлыОтанСоғысы #Шежіре #Атырау #ЕскеАлу