Ең төменгі жалақы 85 мыңнан 110 мың теңгеге дейін көтеріледі

24 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Nov 3, 2026

Ең төменгі жалақы 85 мыңнан 110 мың теңгеге дейін көтеріледі

Атырауда Президент Жолдауында белгіленген міндеттерді түсіндіруге арналған ақпараттық-насихаттық топтың кезекті кездесуі өтті. Бұл жолы Абай орталығында ұйымдастырылған жиынға мәдениет және спорт саласының мамандары қатысты.

Кездесуде елдің әлеуметтік-экономикалық даму бағыттары, халықтың әл-ауқатын арттыру, шағын және орта бизнесті қолдау, инвестиция тарту мәселелері талқыланды.

– Мемлекет басшысы экономикалық өсімнің басты нәтижесі әр отбасының тұрмыс сапасын жақсартуға бағытталуы керек екенін атап өтті. Осы бағытта ең төменгі жалақыны 85 мың теңгеден 110 мың теңгеге дейін көтеру жоспарланып отыр. Сонымен қатар Ұлттық қордан 6,5 триллион теңге бөлу көзделді. Оның 1,5 триллион теңгесі биыл бағытталады,– деді ҚР Ұлттық экономика вице-министрі Ерлан Сағынаев.

Ашық форматта өткен кездесуде сала мамандары өздерін толғандырған мәселелер мен ұсыныстарын жеткізді.
Жиын барысында мәдениет саласындағы техникалық қызметкерлердің еңбекақысы да назардан тыс қалмады. Қатысушылар олардың жалақысы еңбек көлемі мен жауапкершілік деңгейіне сәйкес болуы керектігін атап өтіп, төлем жүйесін қайта қарауды ұсынды.