Е. Серкебаевтың есімі ЮНЕСКО-да ұлықталды

12 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Sep 19, 2026

Париждегі ЮНЕСКО штаб-пәтерінде Қазақстанның көрнекті опера әншісі, КСРО халық артисі Ермек Серкебаевтың 100 жылдығына арналған «Дәуір дауысы» атты гала-концерт өтті. Мерейтойлық шара аясында мәдени ынтымақтастықты кеңейту жөнінде келіссөздер де жүрді. Мәдениет және ақпарат министрі Арман Қырықбаев ЮНЕСКО-ның бас директоры Халед әл-Ананимен кездесіп, Қазақстанның тарихи нысандарын Бүкіләлемдік мұра тізіміне енгізу мәселесін талқылады.
Президент Қасым-Жомарт Тоқаевтың бастамасымен ЮНЕСКО-ның Бүкіләлемдік мұра орталығына «Жетісудің киелі ағаш сәулет өнері: мәдениетаралық диалог пен орнықтылық мұрасы» атты сериялық номинациясын алдын ала бағалау жөнінде еліміздің сұрауы жолданғаны белгілі. Оған Жаркент мешіті мен Вознесенск кафедралды соборы кірді. Тарихи нысандарды Бүкіләлемдік мұра тізіміне енгізуге дайындық мәселесі кездесудің негізгі тақырыптарының біріне айналды. Тараптар сондай-ақ ЮНЕСКО-ның Алматыдағы өңірлік кеңсесінің қызметіне және оның Орталық Азиядағы ынтымақтастықты дамытудағы роліне де ерекше назар аударды. Екі жақты кездесуден кейін ЮНЕСКО штаб-пәтерінде Ермек Серкебаевтың 100 жылдығына арналған «Дәуір дауысы» гала-концерті өтті. Қазақстанның Мәдениет және ақпарат министрі Арман Қырықбаев Президент Қасым-Жомарт Тоқаевтың еліміздің мәдени мұрасын халықаралық деңгейде насихаттауға ерекше көңіл бөлетінін атап өтті. Кеш қонақтарының арасында ЮНЕСКО-ның Бүкіләлемдік мұра орталығының директоры да болды.

#хабар24 #казахстан #жаңалықтар #новости