Жайық өзеніне батып, көз жұмған Мерлан Сананың туыстары бас прокуратурадан көмек сұрайды

42 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Apr 19, 2026

Атырауда Жайық өзеніне батып, көз жұмған Мерлан Сананың туыстары бас прокуратурадан көмек сұрайды. Қара жамылған отбасы қылмыстық іс қысқартылып, кінәлілер жазасыз қалды деп отыр. Олар жүзе алмайтын 14 жастағы ұлды жоғары сыныптың оқушылары су айдынына қасақана итеріп жібергеніне сенімді. Құзырлы органдардың табалдырығын тоздырып шаршаған ана сараптама тағайындалып, жан-жақты әрі әділ тергеу жүргізілгенін қалайды.
Анаргүл Қасантаеваның екі жылдан бері арыз жазбаған жері қалмаған. Полиция мен прокуратура арасында күн өткізетін келіншек кінәлілердің бостандықта жүргеніне наразы. Қайғыдан қан жұтқан ана баласына қастандық жасалғанын дәлелдей алмай тығырыққа тірелген.
АНАРГҮЛ ҚАСАНТАЕВА, марқұмның анасы:
- Менің талабым оны 104-бапты ауыстырып, 99-баппен қаралсын. Екіншіден кәмелетке толмаған кейбір балалар олардың ата-аналары Мерланның Жайыққа итеріп жібергенін хабарламағаны үшін жауапқа тартылсын. Баламды өлтіргендердің перепискалары бар. Бәріміз групповой жасадық деген. Осының барлығы экспертиза тағайындалып қаралсын.
Қайғылы оқиға 2024 жылы тамыз айында Жайық өзенінің жағасында болған. Марқұмның туыстары Мерлан Сананың жүзе алмайтынын әрі көзінің нашар көретінін білген жоғары сыныптың оқушылары су айдынына итеріп жібергеніне сенімді. Айтуынша, күдіктілер мектепте оқитын марқұмның әпкесіне де бірнеше рет қоқан-лоқы көрсеткен.
АНАРГҮЛ ҚАСАНТАЕВА, марқұмның анасы:
- Менің қызым қатты стресс алды, мектеп тарапынан барған жоқ. Параллель класта оқиды қызыммен сонда баспалдақта айтқан ендігі кезек сенікі депті. Содан қызым бір жыл сабаққа барған жоқ.
Ал жәбірленуші тараптың адвокаты істі қайта қарауға дәлел-дәйек жеткілікті деп отыр.
ИНГА ИМАНБАЙ, адвокат:
- Бізде 99-бап яғни, қасақана баланы итергенін және баланы дәлелдейтін жеткілікті айғақтар бар жәбірленуші тарапта. Сондықтан біз қазір бас прокуратурадан істі қайта ашып, 99 -баппен саралауды талап ететін боламыз.
Ал, полиция қылмыстық істің не үшін тоқтатылғанын түсіндіріп берді.
МЕЙІРІМ ЕРДӘУЛЕТ, Атырау облыстық полиция департаментінің баспасөз хатшысы:
- Абайсызда адам өліміне әкеп соғу" дерегімен қылмыстық іс тіркеліп, кешенді тергеу амалдарының нәтижесінде оқиғаға қатысты барлық тұлғалар анықталып, жауаптары алынып, тиісті сараптама тағайындалды. Қылмыстың тергелу нәтижесінде күдікті деп танылған жасөспірімнің қылмыстық жауапкершілікке жасы жетпеуіне байланысты қылмыстық іс тоқтатылған.
Яғни, істі қайта тергеу мәселесін прокуратура шешеді. Айта кетейік, Мерлан Сана екі қыздан кейінгі үйдің кенжесі. Сабақты жақсы оқыған. Болашақта құқық қорғау органдарында қызмет етуді армандаған екен.

#Информбюро #31арна #БастыЖаңалықтар #Новости #31канал