Жамбыл облысындағы жер сілкінісі тұрғындардың үрейін алды

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Ақтаудағы ұшақ апаты - https://www.youtube.com/playlist?list=PLn2OyECVOtB-Smnp7Tu1rILvq5wFDM23g
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr

Бүгінгі шығарылымда:
Жамбыл облысында жер сілкінді. Қуаты бес баллға жеткен зілзала екі рет қайталанып, тұрғындардың үрейін алды. Таңды ұйқысыз өткізген жұрт жерасты дүмпуі қайталана ма деп алаңдайды. Жер сілкінісі әсіресе Меркі, Тұрар Рысқұлов аудандарында қатты сезіліп, бас-аяғы 30-ға жуық әлеуметтік нысан мен жер үйлер бүлінген. Жағдайды бақылауға алу үшін Әулие ата өңіріне елордадан арнайы жұмыс тобы шықты. Ал Қасым-Жомарт Тоқаев үкімет басшысына табиғи апаттан зақымданған барлық нысандарды дереу қалпына келтіруге тапсырма берді.
Таңғы үш қырықта тарс-гүрс еткен жер асты дүмпуінен дүйім ел дүрлігіп қалды. Жиһаз біткен сықырлап, аспалы шамның қоңыраулатқаны шырт ұйқыда жатқан жұртты әп-сәтте оятты. Тербелген сөреден жердің ұзақ сілкінгенін байқауға болады.
АЛЛАМБЕРГЕН ҚҰДАЙБЕРГЕН, Тараз қаласының тұрғыны:
- Түнде бала-шағаммен ұйықтап жатқанбыз. Үштің уақыты люстралар шыңғырлап оянып кетсек жер қозғалып жатыр екен. Далаға қашып шықтық семьямызбен. Таңертең көршіміздің бәрі шулап жүр, жер қозғалды деп.
Ал, Меркі тауларында зілзала қуаты бес баллға жетіп, тоғыз елдімекенде толқу тіпті қатты сезілген. Ауыл халқы қорқынышын былай сипаттайды.
ӘСЕМКҮЛ ӨМІРБЕКҚЫЗЫ, Талдыбұлақ ауылының тұрғыны:
- Таңғы 3-тен 40 кеткенде дәрет алуға шықтым. Туалетке отырғаным сол, дәрет ала бергенімде тура тау жақтан, трактор соққандай болды. Свет те өшті. Балам да қорқып соткасын жақты, мен балам ау деп қол ұстасып тұрдық. Кайталана ма дедім. Біріншісі керемет қатты болды.
Белгілі болғандай, Меркі мен Тұрар Рысқұлов аудандарында бүлінген әлеуметтік нысан көп. Олардың ішінде мектеп, аурухана, мәдениет және медицина мекемелері бар. Табиғи апат таң азанмен аймақ атқамінерлерін аяғынан тік тұрғызды. Облыс әкімі штаб құрып, зардап шеккен ғимараттарды аралап шықты.
ҚАНАТБЕК МӘДІБЕК, Жамбыл облысы әкімінің орынбасары:
- Облыстық штаб тұрақты жұмыс істеп тұр. Арнайы телефон құрылғысы жұмыс істеп тұр. Оған қазіргі уақытта 12 хабарлама түсті. Ол жерде тұрғындардың жиі сұрайтыны, жер сілкінісі қайталана ма? Бұған қатысты қандай жұмыстар жасалынып жатыр деген сұрақтар. Аса үлкен қауіп жоқ.
Бірақ айтып ауыз жимай жатып жер сілкінісі күндізгі төртте тағы қайталанды. Бұл жолғысы алғашқыдай ұзақ болмады. Қазір арнайы құрылған комиссия қақыраған қабырғалардың қашан, неден жарылғанын зерделеуге кірісті. Келген шығынды да солар есептейді. Ал ел президенті Қасым-Жомарт Тоқаев бүлінген үйлер мен нысандарды қалпына келтіруге тапсырма берді. Артынша ел үкіметі Төтенше жағдайлар вице-министрі басқаратын жұмыс тобын аймаққа аттандырды.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық