ЖАСТАРҒА НҰРЫН ШАШҚАН НҰРЛАН!

Жастарымыздың жан-жақты дамуына жағдай жасау – менің Президент ретіндегі басты міндеттерімнің бірі. Сондықтан осы мәселе әрдайым менің назарымда болады. Бүгінгі жастар – еліміздің ертеңі, ұлтымыздың болашағы, мемлекетіміздің мәртебесі», - деген болатын Қасым-Жомарт Тоқаев өз сөзінде.Қазіргі таңда жастардың болашағына үлкен үміт артылуда. Ал жастарды өздеріне артылған міндеттен қашпай, тура жолмен келе жатыр деп айта аламыз. Жастар өте білімді, алғыр, жұмыстарына адал. Сол жастардың бірі, «Жастар жарқын болашаққа» рубрикасының кезекті кейіпкері, Көкшетау қаласы Электронды қалалық кітапхананың меңгерушісі, «Темірқазық» ұйымының басшысы, «Теріскей» кітап клубы қауымдастығының президенті, Көркемсөз оқу шебері Нұрлан Олжабайұлы Қыстаубай.«Еңбектің наны тәтті» деген қазақта даналық сөз бар. Қай саланы алсақ та, мерейін үстем еткен азаматтар ащы терін сығумен биіктерге жеткенін көреміз. Дәл сондай жандардың бірі Нұрлан Олжабайұлы.Нұрлан Қыстаубай бүгінгі күнге дейін бірнеше жерде жұмыс атқарып, өзін көп салада сынап көрген жігерлі жас. Көптеген сайыстарға қатысып жүлделі орындарға да ие болды. Айта кетсек кейіпкеріміз, Республикалық Мағжан оқуларының облыстық кезеңінің бас жүлдегері, Алматы қаласында «Кітапхана ісі» мамандығы бойынша өткен ХІ Республикалық пәндік олимпиадасының 3 орын иегері, Сұлтанмахмұт Торайғыровқа (Павлодар) байланысты өткен Республикалық Көркемсөз оқу шеберлері байқауында Бас жүлде, Жұмекен Нәжімеденов (Атырау) атындағы Республикалық Көркемсөз оқу шеберлері байқауында арнайы Алғыс хат, «Республикам менің» қалалық жас ақындар мүшайрасында Бас жүлде, 2021 ж. Тәуелсіздік күнінеарналған қалалық ақындар мүшайрасында 1 орын, Түркістан қаласында өткен «Рухани қазына – 2022» фестивальіне «Үздік қалалық кітапхана қызметкері» номинациясы бойынша қатысып, министрдің арнайы Алғыс хатымен марапатталды. Алматыда өткен халықаралық Жас кітапханашылардың 4 слетінде «Үздік баяндама» номинациясымен және Ахмет Байтұрсынұлы атындағы Тіл бөлімі институтының арнайы төс белгісімен марапатталды. «ЖАҢА ҚАЗАҚСТАН: ЖАСТАР САЯСАТЫНЫҢ ҮЗДІГІ» республикалық байқауының жеңімпазы атанып, «ЖАҢА ҚАЗАҚСТАННЫҢ ҮЗДІК КӨШБАСШЫСЫ» төсбелгісімен марапатталды, «І облыстық жас кітапханашылар – 2023» форумының байқау бағдарламасы бойынша үздік нәтиже әрі көшбасшылық қасиетін танытқаны үшін «Бедел» заманауи көшбасшы мектебі номинациясының жеңімпазы, сондай-ақ Көкшетау қаласының мәдениетіне, Кітапхана саласының дамуына қосқан үлесі үшін, Ақмола облысы және Көкшетау қаласы әкімдерінің, олардың орынбасарларының Алғыс хаттары, Көкшетау қаласы Мәдениет және тілдерді дамыту, Спорт және дене шынықтыру бөлімінің Алғыс хаттары, «Қазақстандық салалық мәдениет, спорт, туризм және ақпарат қызметкерлерінің кәсіптік одағының атынан Алғыс хаты, «Сәлем, Елорда!» ІІ республикалық шеруінің «Ақпарат саласы» бойынша шеберлік сағаттарына қатысқаны үшін Алғыс хатымен марапатталған.Нұрланның бұл жетістіктеріне қарасақ, қазақтың «Сегіз қырлы, бір сырлы» жалынды азаматы екендігін дәлелдей түседі. Кейінгі жастар кейіпкеріміз Нұрлан Қыстаубайдан үлгі алып, жолын қуса екен дейміз.Нұрлан Қыстаубайұлындай болашақта зор үміт күттіретін айбынды жастарымыз аман болсын! Еңбегіне толағай табыс, игі істеріне табыс тілейміз!