Жасқайрат ауылында 8,8 шақырым жол осы жылы пайдалануға беріледі

20 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Jul 28, 2026

Жасқайрат ауылында 8,8 шақырым жол осы жылы пайдалануға беріледі

Қызылқоға ауданына қарасты Ойыл ауылдық округінің Жасқайрат ауылында автомобиль жолын жаңғырту жұмыстары қарқынды жүргізілуде. Жалпы ұзындығы 8,8 шақырым болатын жолдың бүгінде 6,5 шақырымының жол негізгі қабаты дайындалып, 6 шақырымына қиыршық тас-құм қоспасы төселген. Сонымен қатар тұрғындардың қауіпсіз әрі жайлы жүріп-тұруын қамтамасыз ету мақсатында ұзындығы 3 шақырым болатын жаяу жүргіншілер жолының құрылысы жүргізілуде, - деп хабарлайды Өңірлік коммуникациялар қызметі.

Ойыл ауылдық округі әкімі аппаратының бас маманы Назымгүл Мараттың айтуынша, құрылыс жұмыстары биыл толық аяқталып, пайдалануға беріледі деп жоспарланып отыр.
- Жол құрылысы аяқталғаннан кейін ауылішілік көлік қатынасы жақсарып, тұрғындардың қауіпсіз әрі қолайлы қозғалысына жағдай жасалады. Сонымен қатар жаңа жол ауылдың көлік инфрақұрылымын жақсартып, әлеуметтік нысандарға қатынауды жеңілдетіп, елді мекеннің дамуына оң ықпал етеді.

Құрылыс жұмыстары былтыр басталды. Жобаның мердігер мекемесі – «АтырауКөлік» ЖШС. Қазір нысанда 10 арнайы техника мен 15 жұмысшы еңбек етуде. Алдағы кезеңде асфальт-бетон жабынын төсеу, жол жиектерін бекіту, жол белгілерін орнату, көше жарықтандыру жүйесін жүргізу және абаттандыру жұмыстары атқарылады.