Жаңаөзен қаласында «Келешек мектептері» ұлттық жобасы бойынша жаңа мектеп ашылды

16 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Dec 24, 2025

Жаңаөзен қаласының Рахат ауылында 1200 оқушыға арналған жаңа мектептің салтанатты ашылуы өтті. Білім беру нысаны Қазақстан Республикасының Президенті Қасым-Жомарт Тоқаевтың «Келешек мектептері» ұлттық жобасы бойынша бой көтеріп, ел игілігіне берілді. Ашылу салтанатына Маңғыстау облысының әкімі Нұрдаулет Қылыбай, ата-аналар, қоғамдық ұйым өкілдері және оқушылар қатысты.

«Мемлекет басшысының тапсырмасына сәйкес өңірімізде жаңа үлгідегі заманауи мектептер салынып жатыр. Бұл балалардың сапалы білім алуына және кәсіби бағдарын ерте анықтауына мүмкіндік береді. Мұндай бастамалар Жаңаөзен қаласы мен ауылдар арасындағы білім сапасын теңестіруге жол ашады», – деді аймақ басшысы.

Бүгін жергілікті тұрғындар үшін қуанышты күн – қарқынды дамып келе жатқан «Мерей» шағын ауданында жаңа мектеп ашылып, ауыл балаларына жайлы әрі қолайлы ортада білім алу мүмкіндігі жасалды.

Мектепте 61 пән кабинеті, STEM-зертханалар, робототехника, дизайн және хореография залдары бар. Сонымен қатар ерекше білім беру қажеттіліктері бар балалар үшін сенсорлық бөлме мен арнайы мамандар кабинеттері қарастырылған.

Жобалау, құрылыс және жабдықтау жұмыстары «Samruk-Kazyna Construction» АҚ басқаруымен жүзеге асырылды. Құрылыс мердігері – «Құрылыс Инвест Групп» ЖШС.