Жаңа заң! Саяжайға үй салатын болсаңыз – оның аумағы 50 шаршы метрден аспауы керек

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Ақтаудағы ұшақ апаты - https://www.youtube.com/playlist?list=PLn2OyECVOtB-Smnp7Tu1rILvq5wFDM23g
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr

Бүгінгі шығарылымда:
Елімізде енді саяжайларда салынатын баспаналардың аумағы 50 шаршы метрден аспауы тиіс. Өнеркәсіп министрлігі сәулет, қала құрылысы және құрылыс қызметі туралы заңға өзгерістер енгізді. Жауапты ведомство өкілдері бұл саяжайларда халықтың тұрақтап қалуына тыйым салу үшін жасалған шектеу деп отыр. Ал көпшілік қала ішінен баспана салуға жер таппағандықтан немесе қаражатымыз жетпеген соң амалсыз саяжайға көшіп барамыз дейді. Сондықтан тұрғындар министрліктің жаңа талабы ойға қонымсыз деген пікірде.
Биылдан бастап тұрғындар саяжайда салынатын баспананың аумағын бекіту үшін әкімдіктен рұқсат алу керек. Яғни жаңа заң нормасына сай үй көлемі 50 шаршы метрден аспауы тиіс. Ал бұл өзгеріспен көпшілік мүлдем келіспейді. Өйткені қаншама жылдан бері жер телімінің кезегін күтуден шаршап, саяжайға қоныстанып жатқандар жетерлік. Ал бір отбасы үшін әкімдік бекіткен қуықтай үйде тұру мүмкін емес. Сондықтан әркім өз қалауындағы баспананы салуға құқылы дейді.
Ал Өнеркәсіп және құрылыс министрлігінің өкілдері шектеуді халықтың қауіпсіздігі үшін енгіздік деген уәж айтады. Яғни, саяжайлар халықтың тұрақты тұруына арналмаған. Сондықтан тек жылы мезгілдерде бау- бақша егіп, шаруашылығын баптау үшін бекітілген баспана аумағы азаматтарға жеткілікті дейді.
ҚР ӨНЕРКӘСІП ЖӘНЕ ҚҰРЫЛЫС МИНИСТРЛІГІНІҢ БАСПАСӨЗ ҚЫЗМЕТІ:
- Әлеуметтік тұрғыдан осал топтар көп жағдайда саяжайларды тұрақты тұруға пайдаланады. Алайда, бұл үйлер қыс мезгіліне бейімделмеген, олардың коммуникациялық жүйелері суық кезеңде өшіріледі. Сондықтан қысқы мезгілде өрт қаупі туындауы мүмкін. Мұндай жағдайдың алдын алу үшін саяжайларды тұрақты тұруға пайдалануға тыйым салу қажет болды.
Ал, құрылыс саласының маманы Манарбек Еспенбетов жаңашылдық азаматтардың құқығын шектеу дейді. Айтуынша, шенеуніктер елімізде ұзақ жылдар бойы шешілмеген саяжайлардың мәселесінен қашып, халыққа осындай талап қойып отыр.
МАНАРБЕК ЕСПЕНБЕТОВ, сарапшы:
- Өте қолайсыз. 50 шаршы метр дегенің 10-5 метр. Ол кішкентай ғана үй. Орысша айтқанда времянка. Халыққа жағдай жасау керек қой. Олар енді үкіметтен ақша сұрап отырған жоқ маған дача салып бер деп. Өзінің ақшасына салады. Шектеу қою деген дұрыс емес. Менің ойымша, үкімет сол жерге инфрақұрылым апарудан, жол, газ, су апарудан басын алып қашып отырған тірлік деп ойлап отырмын.
Айта кетейік, заңға енгізілген өзгерістің бұған дейін салынған баспаналарға қатысы жоқ. Ұлттық статистика бюросының соңғы мәліметіне сүйенсек, қазір елдегі саяжайларда 40 мың адам тұрып жатыр.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық