Жаңа Конституцияны сапалы іске асыру тетіктері талқыланды

#qyzylordatv
Жаңа Конституцияның күшіне енуімен қала активі де басым міндеттерді іске асыруға кірісті. Соның ішінде қалалық инфрақұрылымды дамыту, жаңа өндірістер ашу, жұмыс орындарын құру және тұрғындардың өмір сүру сапасын арттыру мәселелеріне басымдық берілмек.

Жиында жаңа Конституцияның еліміздің құқықтық жүйесін жетілдірудегі, заң үстемдігін нығайтудағы, адам құқықтары мен бостандықтарын қорғаудағы және мемлекеттік басқарудың тиімділігін арттырудағы тарихи маңызы кеңінен сөз болды.

НҰРЖАН АХАТОВ – ҚАЛА ӘКІМІ
Жаңа Конституцияны халық арасында насихаттау, тұрғындар арасында түсіндіру бағытындағы жұмыстарды үйлестіруде ел ағаларын, ардагерлер қауымымен, қоғамдық ұйымдардың жетекшілерін бақ өкілдерінің еңбегін айрықша атап өтуге болады. Халық қалаулары билік пен бұқаралық арасында алтын көпір болып, халықтың өмір сапасын арттыруға зор үлес қосып келеді.

Ата заңда бекітілген қағидаттарды қоғамдық өмірдің ажырамас бөлігіне айналдыру, мемлекеттік басқарудың жаңа сапасын қалыптастыру алдағы кезеңнің басты міндеттерінің бірі, дейді қалалық мәслихат төрағасы Ибадулла Құттықожаев.

ИБАДУЛЛА ҚҰТТЫҚОЖАЕВ – ҚАЛАЛЫҚ МӘСЛИХАТ ТӨРАҒАСЫ Біз бұрын еліміздің қуатын минералды ресурстарды қазба байлықтар деп кетсек, жаңа конституцияның орталық идеясы білім мен ғылым, мәдениет пен инновация екенін білесіздер. Енді біздің өңірімізде Нұрлыбек Мәшбекұлы 4 жылдай қызмет істеген кезде 200 ден астам түрлі нысандар салынды. Оның нәтижесінде біз қазір көріп жатырмыз. Қызылорда облысы бұрын тестте көрсеткіште , олимпиада көрсеткіште көш соңында жүретін болса, қазіргі кездерде алдыңғы үштіктің қасынан үнемі жақсы нәтижемен келе жатыр.

ШӘКИЗАДА ӘБДІКӘРІМОВ – ҚОҒАМ ҚАЙРАТКЕРІ
Ұлы даланың мыңдаған жылдық тарихи сабақтастығын сақтай отырып деген сөз бар. Бұрын-соңды мұндай сөзді айту үшінде бір үлкен жүрекпен бірге , жан-жақа қарап алуға да керек сияқты. Бұл былайша айтқанда бұл өз бастауымыздан бұл тереңіне қайта оралу бұл керісінше артқа шегіну емес керісінше әлемдік контекст үшін бүгінгі күнде үлкен құндылықтар дүниесін жасау болып табылады.

Жиын қорытындысында алдағы кезеңге арналған негізгі бағыттар айқындалды. Олардың қатарында коммуналдық инфрақұрылымды жаңғырту, жаңа инвестициялық жобаларды іске асыру, кәсіпкерлікті қолдау, тұрғын үй құрылысын дамыту және цифрлық технологияларды енгізу бар.

НҰРЖАН АХАТОВ – ҚАЛА ӘКІМІ
Мемлекет басшысы атап өткендей, мақсатымыз – әділетті, қуатты, қауіпсіз, таза әрі дамыған Қазақстанды құру. Бұл жолда ел бірлігі, жасампаз еңбек, жоғары жауапкершілік және мемлекет мүддесіне адалдық айрықша маңызды.Барлық мемлекеттік институттардың, азаматтық қоғамның, бұқаралық ақпарат құралдарының және әрбір азаматтың басты міндеті осыған жауапкершілікпен атсалысу.

Сайт - https://qyzylordatv.kz/ru/live
Facebook - https://www.facebook.com/qyzylordatv/
Instagram - https://www.instagram.com/qyzylordatv/
Telegram - https://t.me/qyzylorda_tv
Tiktok - https://www.tiktok.com/@qyzylorda_tv/