Желдің екпінімен құм ығысып ауылдарды басып жатыр

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Ақтаудағы ұшақ апаты - https://www.youtube.com/playlist?list=PLn2OyECVOtB-Smnp7Tu1rILvq5wFDM23g
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr

Бүгінгі шығарылымда:
Атырау облысында тоғыз бірдей ауыл құм астында қалуы мүмкін. Тұрғындар таудай үйілген шағыл үйлерге жақындап қалды деп дабыл қақты. Тіпті, желдің екпінімен құм ығысып, қораларды жартылай басып қалған. Тығырыққа тірелген халық жергілікті биліктен көмек сұрайды. Себебі, айналаға егілген сексеуіл тамыр жайып үлгермеген екен. Оған былтырғы тасқын кері әсер етіпті. Толығырақ үреймен өмір сүріп жатқан жұртпен өңірдегі әріптесім Жұлдыз Тілеухан тілдесіп қайтты.
ЖҰЛДЫЗ ТІЛЕУХАН, тілші:
- Нарын құмы исатайлықтардың бас ауруына айналған басты мәселесі. Әсіресе, ауыл шетінде тұратын халыққа өте қиын. Өйткені, құм жылдан жылға жақындап, баспаналарға тақап қалған. Күн жылынғанда қараша үй айналасын күнде аршып, құммен алысып әлек.
ЗУЛЬФАТ РАМАЗАНОВА, Исатай ауылының тұрғыны:
- Тоқтату жұмыстарын жүргізіп жатыр негізі. Сексеуіл егіп, бірақ бәрібір де құм басып жатыр ғой үйлерді. Жағдайымыз қиын. Жел соқса үйден шықпаймыз. Мынаны күреу оңай емес.
Ауылдың байырғы тұрғыны Исабай Гинуллиннің шенеуніктерге өкпесі қара қазандай. Ақсақалдың айтуынша, жыл сайын түрлі мекеме аумақты қоршап, сексеуіл отырғызады. Бірақ бұл қарекет құмнан қорған болмай тұр деп қапалы.
ИСАБАЙ ГИНУЛЛИН, Исатай ауылының тұрғыны:
- Мен мекемелерге ренжимін. Қоршап сексеуілді отырғызып кетеді. Ал құрғақ топырақ үргеннен кейін сексеуіл өзінен-өзі жер бетіне шығып қалады. Тамырланып үлгермейді. Ең болмағанда отырғызған соң ағашты бір...... бойы күтіп, баптап тамырланып кетсе, ол әрі қарай алып кетер еді.
Соңғы алты жылда облыс бойынша 76 гектардан астам алқапқа сексеуіл егілген. Алайда былтыр тұқымбақты су басып, жоба тоқтап қалған екен.
НҰРЛАН ЖАНТОҚОВ, Атырау облыстық табиғи ресурстар басқармасының басшысы:
- Егілген 100 пайыздың 40 пайызы айналасында деп жобамен бекітілген. Негізі 2024 жылы біз ол жерге еге алмадық себебі су тасқыны кезінде тұқымбақтарымыздың көбі суға кетті. Соған байланысты еге алмай қалдық. Биылғы жылы Исатай ауданында қайтадан егу жұмыстары басталатын болады.
Облыс бойынша құм көшкіні Исатай, Құрманғазы, Қызылқоға және Жылыой аудандарында бас-аяғы тоғыз ауылға қауіп төндіріп тұр. «Басты себеп - көп жылғы қуаңшылық пен жасыл желектің аздығы» дейді мамандар. Сондықтан жергілікті билік ақ шағылға қарсы жұмыстарды жандандырамыз деп отыр. Осы мақсатқа төрт жыл бұрын 600 миллион теңге бөлінген. Қыруар қаражаттың игерілмеген бөлігіне тағы 200 гектар аумаққа сексеуіл екпек.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық