Жеңілдетілген лизинг тиімді ме?

3 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Oct 3, 2026

#qyzylordatv
Қымбат ауыл шаруашылығы техникасын толық құнын бірден төлемей сатып алудың жолы – агролизинг. Ал жергілікті шаруалар осы мүмкіндікті қалай пайдаланып отыр? Тілші бейнематериалына зер салайық.

«Ақтөбе» шаруа қожалығы биыл 1500-ден астам гектарға күріш еккен. Әрқайсысы 160 гектардан болатын жерге жүгері, соя, жоңышқа орналастырған. Шаруашылық негізгі дақыл күрішке осы айдың 10-ынан бастап орақ салды. Алдағы бір-екі күнде жиын-терім аяқталмақ. Дала төсін дүбірге бөлеп жүрген бұл техниканың дені «ҚазАгроҚаржы» арқылы аз пайызда сатып алынған.

ЕЛДОС АСАН – ТІЛШІ
Қазір егіс даласында да, қырманда да жұмыс қауырт. Ал, күріш ақтау зауытында тіпті жұмыс қызып жатыр. Мұнда тәуілігіне 60 тонна өнім өндіріледі. Бұл жұмысты атқаруға Кореядан жоғары технологиядағы техника алдырылған.
Зауыт 2016 жылы «ҚазАгроҚаржы» акционерлік қоғамының қолдауымен жеңілдетілген лизинг арқылы алынған.

Осылайша мемлекеттік қолдау шарасы фермерлерге қаржылық жүктемені азайта отырып, заманауи технологияларды өндіріске енгізуге мүмкіндік береді. Мәселен, «Ер-әлі» шаруа қожалығы қаржылай қолдаудың арқасында кәсібін жолға қойған.

Бүгінде облыста 700-ден астам күріш шаруашылығы бар. Оның 291-і мемлекеттік қолдауды пайдаланып, техника паркін жаңартқан. Мәселен, 2003 жылдан бері «ҚазАгроҚаржы» акционерлік қоғамы арқылы 70,5 млрд.теңгені құрайтын 2,7 мыңнан астам ауыл шаруашылығы техникасы сатып алынған. Биылдың өзінде 141 бірлік техника қаржыландырылыпты.
Су үнемдеу технологияларын енгізу де күн тәртібіндегі мәселе. Бұл ретте шаруалар үшін тамшылатып суару техникасын жеңілдетілген шарттармен сатып алу мүмкіндігі де қарастырылған.

Сайт - https://qyzylordatv.kz/ru/live
Facebook - https://www.facebook.com/qyzylordatv/
Instagram - https://www.instagram.com/qyzylordatv/
Telegram - https://t.me/qyzylorda_tv
Tiktok - https://www.tiktok.com/@qyzylorda_tv/

Категория: Кызылорда

Комментариев нет.

Вход

Создать аккаунт

Жеңілдетілген лизинг тиімді ме?

Следующее