Жұмыссыздықпен күрес: Атырауда 60-тан аса мекеме 500-ден астам жұмыс ұсынды

3 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Jun 11, 2025

Жыл басынан бері он алтыншы рет өткізілген бос жұмыс орындары жәрмеңкесіне 60-тан аса мекеме қатысып, 500-ден астам бос жұмыс орны ұсынылды, – деп хабарлайды Өңірлік коммуникациялар қызметі.

Олардың ішінде «Атырау жылу электр орталығы» АҚ, «Атырау Жарық» АҚ, «КазТурбоРемонт», «Интаго», «Каспийстроймонтаж», Атырау облысының Әділет департаменті, Атырау облысы бойынша Қылмыстық-атқару жүйесі департаменті, Атырау вагон құрастыру зауыты, «Стамгазстрой» және т.б. мекемелер бар.

Облыстық Жұмыспен қамтуды үйлестіру және әлеуметтік бағдарламалар басқармасы басшысының орынбасары Еркебұлан Әбілқасымовтың айтуынша, ұсынылған бос жұмыс орнының 200-ден астамы жұмысшы мамандықтар болса, қалған инженерлік позициядағы жұмыстар.

- Жәрмеңкеге борышкерлер, жазасын өтеу орындарынан босап шыққан, пробациялық есебінде тұрған азаматтар да шақыртылды. Іс-шараға қатысушыларға мемлекет тарапынан субсидияланатын жұмыс орындары туралы ақпараттар берілді. Жыл басынан бүгінге дейін осындай жәрмеңкелердің нәтижесінде үш мыңға жуық түйіндеме қабылданып, 400-ге жуық адам жұмысқа орналасты, - деді Е. Әбілқасымов.

Анықтама үшін: аймақта жиырма мыңнан астам адам жұмыссыз ретінде тіркеуде тұр. Осы жылы қаңтардан бері жеті мың адам, оның ішінде бес мыңы субсидияланған, қалғаны тұрақты жұмысқа орналасты.