Заттардағы жады

16 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель May 20, 2025

Теміртау қалалық музейінің қорлары Ұлы Отан соғысы жылдарынан қалған бірегей трофейлік экспонаттармен толықты. Толығырақ — келесі бейнематериалда.
Теміртау қаласының музейінде жаңа экспонаттар ұсынылды. «Айдың экспонаты» жобасы аясында келушілерге Ұлы Отан соғысы жылдарынан сақталған бірегей заттар көрсетілуде. Барлық бұйымдар — майданнан әкелінген, ал олардың әрқайсысы солдат тағдырымен, ерлікпен байланысты.
Лаура Каленова, қор бөлімінің меңгерушісі: «Өте қызықты жәдігерлердің бірі — әрине, «Вермахт» сарбазының дәрі-дәрмек қобдишасы. Бұл қобдиша таза, берік ағаштан жасалған. Беткі жағында жасыл түсті крестті байқаймыз. Бұл — сол кездегі медициналық жедел жәрдемнің белгісі болған».
Мұндай қобдишаны майданда және кейін бейбіт өмірде де әскери фельдшер Павел Андреевич Карлаш пайдаланған. Қазір бұл зат музейде сақтаулы. Оны музейге ұлы Валерий Карлаш сыйға тартқан.
Сол сияқты, неміс солдатының былғары әмияны да құнды жәдігерге айналды. Оны музейге Еуропаны азат етуге қатысқан, "Отан соғысы" орденінің иегері Владимир Николаевич Кудрявцев тапсырған. Соғыстан кейін ол Теміртауға келіп, комбинат құрылысын салуға атсалысып, жүргізуші болып еңбек етті, еңбегімен құрметке бөленген ардагер атанды.
Лаура Каленова, қор бөлімінің меңгерушісі: «Бұл жерде шағаланың немесе альбатростың ұшып бара жатқан құсының суреті бейнеленген. Бұл құс сол уақытта саяхатты, теңізді, бостандықты бейнелейтін символ болған. Жалпы, неміс сарбаздары үшін бұл әмиян өте құнды зат болып саналып, денесіне жақын жерде сақталған. Әмиян ішінде олар отбасы туралы естеліктерді, суреттерді сақтап, жанында ұстаған».
Вермахттың белгісі бар консерві ашқышы да – тарих куәсі. Мұндай құралды солдаттар майдан даласында пайдаланған. Бұл затты музейге миномет взводының командирі, Украина мен Балтық елдерін азат етуге қатысқан, екі «Қызыл Жұлдыз» орденінің иегері Ильяс Исаевич Мамедов сыйға тартқан.
Лаура Каленова, қор бөлімінің меңгерушісі: «Таза, тот баспайтын болаттан жасалған. Бүгінгі күнге дейін тамаша күйде сақталған. Бұл жердегі ерекше символикалардың бірі — тырнағында гүл шоғын ұстап тұрған бүркіт. Ол сол кездегі неміс әскерлерінің құрал-жабдықтарындағы ресми символдардың бірі болған».
«Айдың экспонаты» көрмесі — бұл тарихпен жүздесудің бірегей мүмкіндігі ғана емес, сонымен қатар Жеңістің қандай ауыр жолмен келгенін еске алу. Көрмені Теміртау қалалық тарихи-өлкетану музейінде тамашалауға болады.

Категория: Темиртау

Комментариев нет.

Вход

Создать аккаунт

Заттардағы жады

Следующее