Заң мен тәртіп – салауатты ұрпақтың берік негізі

8 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Feb 6, 2026

Каспий өңірінің көпсалалы жоғары колледжінде Атырау облысы Дене шынықтыру, спорт және туризм басқармасының ұйымдастыруымен «Заң мен тәртіп» тұжырымдамасы аясында «Талап бар жерде – тәртіп бар» тақырыбында тағылымдық кездесу өтті.

Іс-шараның негізгі мақсаты – жасөспірімдер мен жастар арасында заңға деген құрметті қалыптастыру, тәртіп мәдениеті мен азаматтық жауапкершілікті нығайту, сондай-ақ спорт арқылы салауатты өмір салтын кеңінен насихаттау. Кездесуге құқық қорғау органдарының өкілдері, танымал спортшылар, спорт ардагерлері және колледждің спорт бағыты бойынша білім алып жатқан студенттер қатысты.

Кездесу барысында әлемдік және халықаралық деңгейдегі чемпион спортшылар Аида Хайруллина, Алихан Сейтов, Қуандық Бекназаров, қалалық мәслихат депутаты Ануар Батаев, сондай-ақ басқармаға қарасты спорт мектептерінің басшылары Аманбай Қыздарбаев пен Данияр Юсупов өз өмірлік және кәсіби тәжірибелерімен бөлісті. Олар спорттағы тәртіп пен табандылықтың, үздіксіз еңбектің жетістікке жетудегі шешуші рөліне ерекше тоқталды.

Спикерлер жастарды заң талаптарын сақтауға, уақытты тиімді пайдалануға, алға қойған мақсаттарына адал болуға және спортпен жүйелі түрде айналысуға шақырды. Кездесу еркін форматта өтіп, қатысушылар өздерін қызықтырған сұрақтарға жан-жақты жауап алды.

Шара қорытындысында ұйымдастырушылар мұндай тағылымдық кездесулердің өскелең ұрпақтың құқықтық мәдениетін қалыптастыруға, патриоттық рухын нығайтуға және салауатты өмір салтын ұстануына зор ықпал ететінін атап өтті.