Классикалық кеш

Сыр төрінде Неміс композиторы Карл Орфтың әйгілі «Кармина бурана» кантатасы шырқалды. Классикалық туындыны Алматыдан арнайы келген Жамбыл атындағы Қазақ мемлекеттік академиялық филармонясының өнерпаздары орындады. Қызылордалық көрермендер әлемдік деңгейдегі классикалық туындыны тыңдап, ерекше әсерге бөленді.

Жамбыл атындағы Қазақ мемлекеттік академиялық филармонясы бүгінде қазақ мәдениетінің айнасына айналған. Ұлт мәдениеті мен руханиятының өсіп-өркендуіне өлшеусіз үлес қосып жүрген шығармашылық ұжым Сыр еліне сапарын Өнер орталығының ашылуымен сабақтастырған. Ұлттық және классикалық туындыларды дәріптеп жүрген өнер ұжымына облыс әкімінің алғыс хаты табысталды.

ҚУАНЫШ ЖАНҰЗАҚОВ – ОБЛЫСТЫҚ МӘДЕНИЕТ, АРХИВТЕР ЖӘНЕ ҚҰЖАТТАМА БАСҚАРМАСЫ БАСШЫСЫНЫҢ ОРЫНБАСАРЫ
// Бізде биыл аймақ басшысымен руханият жылы деп жарияланды. Сіздердің сапарларыңыз бізді ерекше қуантады және әлемге танымал осындай туындыны біздің өңірге осындай үлкен ұжыммен әкелгендеріңіз үшін үлкен алғысымды білдіреміз.

ҚАНАТ ОМАРОВ – ОРКЕСТРДІҢ КӨРКЕМДІК ЖЕТЕКШІСІ ЖӘНЕ БАС ДИРИЖЕРІ
// Репертуарымыз өте көп. Бүкіл классикалық стандарттарды ойнаймыз. Және де Мемлекеттік симфониялық оркестр совет үкіметі кезінен бүкіл қазақстандық компазиторлардың шығарламарының премерасын ойнаған оркестрі/

Мемлекеттік филармонияның директоры кеш барысында Қызылорда телеарнасы мен мәдениет саласының өкілдеріне өзінің алғысын білдірді.

АҚАН АБДУАЛИЕВ – ЖАМБЫЛ АТЫНДАҒЫ ҚАЗАҚ МЕМЛЕКЕТТІК АКАДЕМИЯЛЫҚ ФИЛАРМОНИЯСЫНЫҢ ДИРЕКТОРЫ
// Жамыл атындағы Қазақ мемлекеттік академиялық филармонясы тоқсан жылға жуық уақыт тарихы бар. көптеген кезеңдерді өткізді. Қаншама қазақтың майталмандары, өнер қайраткерлері сол жерде қызмет жасады. Осы елдің шындығын бүкіл әлемге жеткізген Роза Бағланованың ескерткіші сол біздің филармонияның алдында тұр. 25 жыл тыңбай еңбек еткен Төлепберген Әбдірашев осы симфониялық оркестрдің дирижері болды. Сол себептен де біз Төлепберген Әбдірашев атын бердік.

БЕЙІМБЕТ ДЕМЕУОВ – ҚАЗАҚСТАННЫҢ ЕҢБЕК СІҢІРГЕН ҚАЙРАТКЕРІ // Өзімізбен бірге осы жолы жаңа ғимараттың ашылуына сәйкес әдемі клласикалық тұғырдағы шығарманы орындап келдік. Биыл мемлекеттік хор капелласына 85 жыл. 39 жыл құрылған. Қоржында бір жарым мыңнан астам шығарма бар.

Классикалық кеште Байқадамов атындағы Мемлекеттік хор капелласы, Төлепберген Әбдірашев атындағы ҚР Мемлекеттік академиялық симфониялық оркестрі, ұлттық опера өнеріндегі сопрано, баритон, тенор дауыстағы әншілер «Кармина бурана» шығармасын жоғары деңгейде орындап шықты.

Сайт - https://qyzylordatv.kz/ru/live
Facebook - https://www.facebook.com/qyzylordatv/
Instagram - https://www.instagram.com/qyzylordatv/
Telegram - https://t.me/qyzylords_tv
Tiktok -https://www.tiktok.com/@qyzylorda_tv/