Күннің өзекті жаңалықтары. 12.06.2025

3 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Jun 12, 2025

Арнаға тіркел / Подпишись на канал: https://www.youtube.com/@UCqzhjBGNNwAIOH4u0YlJ6NA

Астанада тағы да автобус апаты болды. Бұл жолы қоғамдық көлік жеңіл машинаға соғылды. Екі жолаушы жарақат алды. Олар ауруханаға жеткізіліп, дәрігерлік көмек алғаннан кейін үйлеріне жіберілді. Қазір жол апатының себеп-салдары анықталып жатыр.

Алматының Түрксіб ауданында бір адам өрттен ажал құшты. Тілсіз жау жеке тұрғын үйлердің бірінен шығып, кейін іргелес ғимаратқа тараған. Сөйтіп, 500 шаршы метрден астам аумақты күл-талқан еткен. Төтенше жағдай мамандары келтірген дерек бойынша опат болған азаматтың мәйіті өрт сөндірілгеннен кейін бір-ақ табылған. Қазір оның кім екені және апатқа нақты не себеп болғаны анықталып жатыр. Бұдан бөлек, тағы 2 азаматтың зардап шеккені белгілі.

Атырау облысы Индер ауданында қарақұрт адамдарды шақты. Ауданның тоғыз 9 тұрғыны ауруханаға түсті. Жергілікті билік зиянкеспен күресті күшейткен. Бірақ аймақта төтенше жағдай жариялаудан бас тартып отыр. «Оған еш негіз жоқ», - дейді. Айта кетейік, былтыр 13 адам осы зиянкестен зардап шегіп, 40 шақты мал қырылған. Мамандар өрмекші тәрізді жәндіктің қауіпті екенін ескертеді. Сондықтан қарақұрт шағып алса, дереу дәрігерге қаралу қажет.

Ақтөбеде ауыл әкімі Ләззәт Бердібаева жұлынған қызғалдақ үшін жауапқа тартылмайтын болды. Сот әкімге қатысты әкімшілік істі тоқтатты. Әу баста, учаскелік полиция қызметкері хаттама толтырғанымен, оны растайтын құжат ұсынбаған. Дәлел ретінде 1 ғана сурет тіркелген. Ботаникалық сараптама да дәл осы қызғалдақ түрінің Қызыл кітапқа енетінін анықтай алмаған. Тіпті, сот оқиға орнын барып тексеріп те қайтты. Алайда маусымның ауысуына байланысты далада қызғалдақ таппаған. Заңға сәйкес Қызыл кітапқа енген сирек қорғалатын өсімдіктерді жойған болса, әкім шамамен 12 миллион теңге айыппұл арқалауы мүмкін еді.
---------------------------------------------
Официальный сайт «Седьмого канала» https://tv7.kz/ru/
Instagram: https://www.instagram.com/tv7_kz/
TikTok: https://www.tiktok.com/@tv7_kz
Facebook: https://www.facebook.com/tv7kz/
Telegram: https://t.me/tv7_kaz

#Жаңалықтар #жаңалықтар2025 #жаңалықтаржетіншіарна #Жетіншіарна #седьмойканал #7канал