Кәсіби бағдар дұрыс таңдау

13 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Feb 17, 2026

Колледж оқытушылары Орынбасаров Р.А., Сеймова Н.Р., Уразов Н.М., Орынғалиева Н.Т. Атырау қаласы И.Тайманов атындағы жалпы білім беретін орта мектеп базасында өткен «Мамандықтар жәрмеңкесі» іс-шарасына қатысып, 9–11 сынып оқушыларына кәсіби бағдар беру жұмыстарын жүргізді.
Іс-шараның мақсаты – болашақ түлектерге мамандық таңдауда дұрыс бағыт-бағдар беру, еңбек нарығында сұранысқа ие салалармен таныстыру және колледж мамандықтарының артықшылықтарын кеңінен насихаттау.

Кездесу барысында колледждің негізгі бағыттары таныстырылды:
⚡ Техника-Технологиялық бағыты – «Электрмен қамтамасыз ету», «Автоматтандыру және басқару», «Мұнай-газ кен орындарын пайдалану», «Бағдарламалық қамтамасыз ету», «Есептеу техникасы және ақпараттық желілер (бакалавриат)» мамандықтары бойынша білім беру мүмкіндіктері таныстырылып, заманауи материалдық-техникалық база, өндірістік тәжірибе орындары, дуальді оқыту жүйесінің артықшылықтары және еңбек нарығында жоғары сұранысқа ие бағыттар туралы жан-жақты ақпарат берілді.
???? Педагогикалық бағыт – «Бастауыш білім беру педагогикасы мен әдістемесі», «Мектепке дейінгі тәрбие және оқыту», “Негізгі орта білім берудегі тіл мен әдебиетті оқытудың педагогикасы мен әдістемесі”,«Дене тәрбиесі және спорт», «Логопедия» мамандықтары таныстырылып, болашақ педагогтерді даярлаудың заманауи әдістемелері, инклюзивті білім беру ерекшеліктері, педагогикалық практика және тәжірибелік дайындық базасы туралы кеңінен айтылды.
???? Экономика-гуманитарлық бағыт – «Есеп және аудит», «Менеджмент», «Құқықтану», «Аударма ісі» мамандықтары бойынша білім беру мазмұны түсіндіріліп, кәсіби құзыреттілікті қалыптастыру, іскерлік және құқықтық сауаттылықты арттыру, тілдік дағдыларды дамыту және еңбек нарығында бәсекеге қабілетті болу мүмкіндіктері таныстырылды.
Оқушылар өздерін қызықтырған сұрақтарын қойып, мамандықтар туралы толық ақпарат алды. Белсенді пікір алмасу нәтижесінде көптеген оқушылар техникалық және цифрлық бағыттарға ерекше қызығушылық танытты.
✨ Бүгінгі оқушы – ертеңгі білікті маман!
Дұрыс таңдалған мамандық – жарқын болашақтың кепілі!