Көктем ауылында 600 орындық жаңа мектеп ашылды

10 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Sep 1, 2026

Көктем ауылында 600 орындық жаңа мектеп ашылды

Бүгін Көктем ауылдық округінде 600 орындық жаңа мектеп пайдалануға берілді. Білім ордасы ауыл оқушыларын толық қамтып, алғашқы оқу жылын толық құраммен бастады. Қазір мектепке 600-ден астам оқушы қабылданған, – деп хабарлайды Өңірлік коммуникациялар қызметі.

Мектепте 1-4 сыныптар бойынша 14 сынып, 5-6 сыныптар бойынша 10 сынып ашылып, жалпы 24 сынып комплектісі жасақталған. Сонымен қатар үш дайындық сыныбы ашылып, онда 60-қа жуық бала қамтылмақ.

- Жаңа мектептің жалпы аумағы 7800 шаршы метрді құрайды. Білім алушыларға қажетті жағдай толық жасалған. Оқу кабинеттерімен қатар, екі спорт залы, 158 орындық асхана, 210 орындық акт залы, лингафон және информатика кабинеттері қажетті құрал-жабдықтармен қамтамасыз етілген,- деді мектеп директоры Айнұр Калиева.

Педагогтер құрамы да кезең-кезеңімен жасақталуда. Қазір басқа оқу орындарынан 8 мұғалім ауысып келсе, конкурс негізінде бастауыш сыныптарға 6 педагог қабылданған. Жоғары сыныптар бойынша пән мұғалімдерін қабылдау жұмыстары жалғасып жатыр. Оқушы саны тұрақтанғаннан кейін қосымша конкурс өткізіп, педагогтерді жұмысқа қабылдау жоспарлануда.