Көлігін сырғаны үшін өмірін алды: Атырауда ауыр соққыдан көз жұмған кәсіпкер жер қойнына тапсырылды

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Атырауда ауыр соққы алып ауруханада көз жұмған 56 жастағы азаматты туыстары бүгін ақтық сапарға шығарып салды. Амандық Сағынғалиевтың артында төрт баласы қалды. Марқұм қаладағы базарлардың бірінде жұдырығы жуан азаматтан оңбай таяқ жеген болатын. Жігіттер арасындағы жанжал екі көліктің соқтығысуынан басталған. Қазір полиция 39 жастағы күдіктіні тергеп жатыр. Базарда болған қайғылы оқиғаның жай-жапсарын өңірдегі әріптесім біліп келді.
---------------------------------------------
Теңдессіз жобамызға көз салыңыз: https://www.youtube.com/playlist?list=PLn2OyECVOtB8ZSSBwiA43xi-_dRdDnFhq
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr

Бүгінгі шығарылымда:

ЖҰЛДЫЗ ТІЛЕУХАН, тілші:
– Азаматтар арасындағы жанжал 10-шы маусымда базардың дәл осы көлік тұрағында болған. Куәгерлердің айтуынша газел жеңіл көлікті сырып өткен. Кикілжің содан кейін басталыпты.
Бейнебақылау камерасына түсіп қалған оқиға әлеуметтік желіге таралады. Жазбада ашуға мінген жүргізуші машинасына зақым келтірген өзге көліктің иесін тоқтаусыз ұрады. Қатты соқыдан 56 жастағы азамат жерге құлайды. Ең сорақысы, базар маңында жүрген адамдар жәбірленушіге араша түспеген. Ауыр жарақат алған Амандық Сағынғалиев ауруханада көз жұмды. Азық-түлік сататын сауда орнында күнде айқай, күнде шу дейді сатушылар. Сондықтан азаматтар арасындағы төбелеске аса мән бермедік деп отыр.
ГАУҺАР ІЗҒАЛИЕВА,оқиға куәгері:
– Оқиға осы жерде болды. Адамдар көп жиналмады. Мен содан соң камераны қарауға келгенде барып көріп тұрмын ғой. Мына жерде случай болып жатады ғой енді, машина соғып алып жатады, біреулер жырып кетіп жатады. Сондай бір жағдайлар болып жатқан соң мен оған мән берген жоқпын. Жоқ естілген жоқ. Дым дауыс естілген жоқ.
Марқұмды туыстары бүгін Қызылқоға ауданы Қарабау ауылында жер қойнына тапсырды. Амандық Сағынғалиев жеке кәсіпкер болып жұмыс істеген. Атпалдай азаматтың артында жары, төрт баласы мен бес немересі қалды.
ЛӘЗЗАТ ТАСТАЕВА, марқұмның туысы:
– Амандақ ағамыз ауылымыздың сыйлы азаматы, елге қызмет қылған. Елдің алғысын арқалаған, жақсылықтың жаршысы болған, ақкөңіл, адамды ренжітпек түгілі, жәндікке зияны тимеген. Ағамыз бүгінде кісі қолынан қаза тауып, ауылымыздың халқының қабырғасын қайыстырды. Әрине, бұл қаза оңай тиіп отырған жоқ.
Қазір күдікті тергеу изоляторына қамалған. Қайғылы оқиғаның себебі тергеу барысында белгілі болмақ.
НҰРХАТ ОРАЗБАЕВ, Атырау облыстық полиция департаментінің бастығы:
– Денсаулыққа қасақана ауыр зиян келтіріп, адам өліміне алып келу дерегі бойынша қылмыстық іс қозғалды. Күдікті дереу ізін суытпай ұсталып, уақытша ұстау изоляторына қамалды. Қазіргі уақытта сот-медициналық сараптама тағайындалды.
Марқұмның туыстары кінәлі адам тиісті жазасын алғанын қалайды. Осы жайттан кейін базарда күзет күшейтілген. Тәртіп сақшылары да сауда орындағы тәртіпті бақылауға алыпты.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық