Махаббат пен көгершіндер: Теміртаулық әуесқойлар көрмесі

12 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель May 11, 2025

Теміртауда Қазақстан Республикасы Декоративті көгершін өсірушілер қауымдастығының ұйымдастыруымен көгершіндер жәрмеңке-көрмесі өтті. Елдің түкпір-түкпірінен келген 70-тен астам көгершін өсіруші өздерінің әуестіктерімен бөлісіп, сирек әрі әсем құстарын жұрт назарына ұсынды.
Көрмеде 50 торда түрлі декоративті көгершіндер қойылды — классикалық тұқымдардан бастап сирек түрлерге дейін. Қатысушылар Астана, Қостанай, Щучинск, Қарағанды және басқа да қалалардан келді. Кәсіби тәжірибе алмасумен қатар, көрмеде достық пен жылылық орнады. Қонақтарға палау мен шай ұсынылды.
Павел Гражданов, көгершін өсіруші: «Бала кезден бастап көгершін ұстаймын. Бір ғана тұқымда тоқтадым, маған ең ұнағаны сол. Әр көгершін өсірушінің өз құсы — ең жақсысы. Бүгін біздің ақсақалымыз Анатолий ағаның осындай шараны ұйымдастырғанына өте қуаныштымын».
Қатысушылар көрмеден жаңа білім мен таныстар ғана емес, сонымен қатар жылылық, достық пен шабыт алып қайтты.