Махамбет атындағы академиялық қазақ драма театры 2025 жылды қорытындылады

8 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Dec 9, 2025

Махамбет атындағы Академиялық қазақ драма театры 88-ші театр маусымының алғашқы жартыжылдығын қорытындылап, баспасөз конференциясын өткізді. Жиынға өңірлік БАҚ өкілдері, театр қызметкерлері мен әртістер қатысты, – деп хабарлайды Өңірлік коммуникациялар қызметі.

Биыл театр сахнасында алты премьера көрерменге ұсынылды. Жыл қорытындысы ретінде 10 желтоқсанда «Үзілген үміт» драмасы сахналанады. Қойылымның режиссері – Ақылбек Хамитов.

– 88-ші театр маусымы шығармашылық табыстарға толы болды. Ұжым төрт фестивальге қатысты. Үшеуі – халықаралық, біреуі – республикалық. Сонымен қатар театр жаңа шығармашылық құраммен толығуда. Ертеңгі премьера – биыл жұмысқа қабылданған жас маманның алғашқы туындысы, – деді театрдың көркемдік жетекшісі Темірбек Мұхтаров.

Қазір театр репертуарында 30-ға жуық спектакль бар. Биыл қойылмаған кейбір шығармалар келесі маусым жоспарына енгізілді. Бірқатары шығармашылық өңдеуден өтіп, актерлік құраммен қайта пысықталуда. Былтыр үш спектакльмен өткен театрішілік фестиваль 26 ақпанда алты қойылыммен өтеді. Фестивальде қоғамдағы өзекті мәселелерді қозғайтын, көрермен сұранысына ие спектакльдер ұсынылады.

Баспасөз конференциясында театрдың биылғы жұмысы мен 2026 жылға арналған жоспарлары таныстырылып, журналистердің сұрақтарына жауап берілді.