Маңғыстаудан Атырауға жағалауды нығайту жұмыстарына арналған техникалар жіберілді.

4 Просмотры

  • Спасибо! Поделитесь с друзьями!

    Вам не понравилось видео. Спасибо за то что поделились своим мнением!

admen
Издатель
Маңғыстау әкімдігінің жетекшілігімен Атыраудағы жағалауды нығайтатын техника жөнелтілді

11 сәуір күні Маңғыстау облысының әкімдігі жетекшілік ете отырып ірі өндірістік кәсіпорындамен бірлесе жағалауды нығайту жұмыстарына арналған техника жіберілді, деп хабарлайды Қоғамдық коммуникациялар орталығы.

11 сәуірде Маңғыстаудан Атырау облысына жағалауды нығайту жұмыстарын жүргізу үшін арнайы техника жіберілді. Оның ішінде 4 экскаватор, 5 тиегіш және ПАЗ маркалы 1 автобус бар.

Арнайы техниканы Маңғыстау облысы әкімдігінің жетекшілігімен "Қаражанбасмұнай" АҚ, "Ақтау теңіз сауда порты ҰК" АҚ, "Гатин" ЖШС, "ОндасынСтрой" ЖШС, "Ас-құрылыс" ЖШС, "Альянс LTD"ЖШС сияқты өнеркәсіптік кәсіпорындар бөліп отыр.

"Сонымен қатар, Атырау облысына 20 маман кетті. Олар осы техниканың тәулік бойы жұмыс істеуін қамтамасыз етеді. Маңғыстау облысының әкімі Нұрлан Ноғаевтың тапсырмасы бойынша осындай шешім қабылданды. Арнайы техника "Қазақстан темір жолы "ҰК" АҚ ұсынған 10 платформаға тиелді. Құм салынған қаптар мен өзге де құрал-жабдық жабық вагонмен жөнелтіледі", - деді Маңғыстау облысының жолаушылар көлігі және автомобиль жолдары басқармасының басшысы Адайбек Қалиев.

Техника Атырауға 1,5 күннен кейін жетеді.

Бұған дейін Атырау облысындағы табиғи апатпен күресте әскери бөлімшелер көмек көрсететіні хабарланған болатын. Мәселен, 9 сәуірде Маңғыстау аумақтық қорғаныс бригадасына резервте тұрған 163 әскери қызметші шақырылды, олар су басқан Құлсары қаласына көмекке барды. Бұл шара Маңғыстау облысы әкімінің қаулысымен және ҚР Қарулы Күштері Қорғаныс Министрлігі Бас штабының бірлескен келісімімен қабылданды.
Категория
Атырау Атырауская область
Комментариев нет.

Следующее

Разработка сайта Creative Lab в Актау ПЕРЕЙТИ НА МОБИЛЬНУЮ ВЕРСИЮ САЙТА