Маңғыстау облысында 26 жастағы электр маманы тоққа түсіп, көз жұмды

25 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Aug 29, 2026

Маңғыстау облысында 26 жастағы электр маманы Манас Қылышбаев тоққа түсіп, көз жұмды. Марқұмның туыстары жас жігітті өз үйіне шақырып, желіні жөндеуге тапсырма берген бригада бастығы жазалансын деп отыр. Себебі, жұмыстан тыс уақытта қарамағындағы қызметкерді еркінен тыс өз шаруасына тартты дейді жақындары. Ал компания өкілдері мәселенің ақ-қарасын құзырлы органдар анықтауы тиіс деп отыр. Тараптарды әріптесім Махаббат Нұржанқызы тыңдап келді.
Бұл Манас Қылышбаевтың денесін әріптестері биіктен түсіріп жатқан сәті. 26 жастағы жігітті жоғары вольтты тоқ соғып, электр бағанына жабысып қалған дейді жақындары. Ауыр жарақаттан электр монтері оқиға орнында тіл тартпай кетіпті.
БЕКБОЛАТ БАЛАБАЕВ, марқұмның әкесі:
Жаңағы жерге ол мастердің үйіне барған ғой столбтан фаза ауыстыруға ма, фазировка жасауға ма, сол жерге. Өз ырқымен барған «шабашка» жасап барған» деп жала жауып тұр ғой, сол мәселе ғой біздерді қинап тұрған. Экспертиза айтқанда: «жалпы көп тұрып қалған» деді бала, ісіп кеткен, жаңағы беліндегі пояс қысып қалған ғой сосын.
Марқұмның жақындары Форт-Шевченко қаласында болған қайғылы жағдайға бригада басшысын кінәлайды. Себебі, ол қызметін асыра пайдаланып, баламызға үйінің жұмысын істеткен. Тапсырма берген дейді.
КЕЛБЕТ ИСА, марқұмның жеңгесі:
Мына бастығының үйінің жұмысын жасап отырып, ол бастығынан ақша алып жұмыс жасады деп мен ойламаймын. Басшылық құзыреттілігін пайдаланып, осы қарамағындағы жұмысшы Қылышбаев Манасты жұмысқа жұмсаған. Жұмыстан кейінгі уақытта. Енді ол бастық өзінің үйінің жұмысын жасатып отырып: «Мен баланы жұмсаған жоқпын» деген сөзіне мен келіспеймін.
Компания өкілдері Манас Қылышбаев оқиға орнына жоспарлы жұмыс аяқталғаннан кейін жеке көлігімен барғанын жеткізді. Яғни, бұл жерде қызметтік тапсырма болмаған дейді.
НҰРАЛЫ БАЙМҰХАНОВ, «Маңғыстау өңірлік электр тораптық бөлу компаниясы» ақ бас инженерінің орынбасары:
Сол күнгі жұмысты Қызылөзен қосалқы станциясындағы жөндеу жұмыстарын толықтай орындап, жұмыс аяғында қызметтік көлікпен Форт бөлімшесіндегі бас қосалқы станция дейді, соған келген, оралған бригада. Сол уақытта GPS-тің деректері көрсетуі бойынша сағат 17:29, жұмыс аяғы. Сол жұмыс аяқталғаннан кейін жаңағы Манас Қылышбаев марқұм ол өзінің жеке автокөлігімен жаңағы оқиға орын алған жерге барған.
МАХАББАТ НҰРЖАНҚЫЗЫ, тілші:
Басы дауға қалған бригада басшысы қазір қызметінен шеттетіліпті. Компания өкілдері марқұмның отбасына материалдық көмек көрсетіп жатқандарын жеткізді. Қазір істің мән-жайын еңбек инспекциясы мен полиция анықтап жатыр. Туыстары тергеу жан-жақты жүргізіліп, кінәлілер тиісті жазасын алғанын қалайды.

#Информбюро #31арна #БастыЖаңалықтар #Новости #31канал