Маңғыстау облысы Жаңаөзен қаласында заманауи үлгідегі оқушылар сарайы ашылды

30 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Jan 25, 2026

Маңғыстау облысы Жаңаөзен қаласында заманауи үлгідегі оқушылар сарайы ашылды. Қала үшін маңызды жоба өңірді әлеуметтік-экономикалық дамытудың кешенді жоспары аясында жүзеге асырылған. Жасөспірімдердің талабын шыңдайтын бұл нысан «ҚазМұнайГаз» ұлттық компаниясының қолдауымен салынды.
Ғимараттың жалпы ауданы 3000 шаршы метрден асады. Оқушылар сарайы бір күнде 1500-ге дейін баланы қабылдай алады.
АСХАТ ХАСЕНОВ, «ҚАЗМҰНАЙГАЗ» ҰК АҚ басқарма төрағасы:
- "ҚазМұнайгаз" ұлттық компаниясының үшінші үлкен нысаны соңғы екі жылдың ішінде. Бүгінгі үшінші бұл әлеуметтік тұрғыдағы нысан. Ізгі қадам, ізгі ниет. Бұл болашақ балапандарға, бүлдіршіндерге арналған үлкен зәулім, керемет ғимарат. Мемлекет басшысы Қасым-Жомарт Кемелұлының тікелей тапсырмасымен салынған болатын.
НҰРДӘУЛЕТ ҚИЛЫБАЙ, Маңғыстау облысының әкімі:
- Жастарды мектеп жасындағы балаларды сабақтан бос уақыты кезінде өзін-өзі дамытуға арналған орта. Сыртын да көгалдандырып қойды. Яғни Жаңаөзен халқы, тұрғындары келіп серуендеп, демалып кетуіне де үлкен мүмкіндік туғызып отырған ғимарат.
«Bolashaq Sarayi» балалар мен жасөспірімдерге шығармашылық, ғылым және спорт саласында жаңа мүмкіндіктер ашады. Ғимаратта робот техникасы, бағдарлама жасақтау, 2D/3D модельдеу, шет тілдері, киім дизайны және қолөнер, шахмат, вокал, сондай-ақ классикалық және халық аспаптарын үйрену кабинеттері бар.
ЕРАСЫЛ ТІЛЕПБАЙ, мектеп оқушысы:
Бұрын бізде мұндай Болашақ сарайы болған жоқ. Бізде мұндай мүмкіндер болған жоқ.Қазір осы салынғаннан кейін бізде мүмкіндер көп. Және бұдан да үлкен, бұдан да күшті роботтар жасай аламыз.
Бұдан бөлек, жаңартылатын энергия көздері, қолданбалы және жаратылыстану ғылымдарына баулитын зертханалар, бейнелеу өнері студиясы, хореографияны, актерлік шеберлікті, журналистиканы меңгеруге арналған телестудиясы мен ағаш шеберханалары жұмыс істейді. Кешен аумағын абаттандыруға ерекше назар аударылған. Амфитеатр, субұрқақ, футбол алаңы мен арт нысандары бар аллея да салынған.

#Информбюро #31арна #БастыЖаңалықтар #Новости #31канал