Мұқыр ауылында мәдениет үйінің құрылысы сегіз жылдан бері аяқталмай келеді

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Атырау облысы Мұқыр ауылында мәдениет үйінің құрылысы сегіз жылдан бері аяқталмай келеді. Соның салдарынан жергілікті жұрттың мерекеде баратын жері мен балаларын өнерге баулитын үйірмелері жоқ. Бюджеттен бір жарым миллиард теңгеге жуық қаражат бөлінсе де мердігерлер әлеуметтік нысанды қолданысқа беруге асықпайды дейді. Мәселенің мән-жайын әріптесім Жұлдыз Тілеухан біліп қайтты.
ЖҰЛДЫЗ ТІЛЕУХАН, тілші:
- 2017 жылы мәдениет үйінің іргетасы қаланып, бірінші қабаты көтерілген. Сол уақыттан бері нысанның құр қаңқасы тұр. Тұрғындар ескерткішке айналған ғимаратты тезірек бітіріп беруді сұрайды. Себебі, ауылдың дарынды балалары спорт пен өнер үйірмелеріне қатысу үшін ауданға сабылып жүр. Ал, мереке мен түрлі шаралар мектептің аядай ғана акт залында өтеді.
ҚАЗИПА КЕМЕЛ, Мұқыр ауылының тұрғыны:
- Мәдениет үйі болса ауылдағы жастар да, үлкендер де көптеген мәдени шараларға қатысар еді. Қазір мәдениет үйі шағын ғана Акт залда орналасқан. Адам сыймайды. Қиындық туғызып тұр. Мұқыр халқы осы мәдениет үйінің сағызша созылып, аяқталмай жатқанына алаңдаулы.
АҚШОЛПАН ЖАРЫЛҒАСЫНОВА, мәдениет үйінің қызметкері:
- 2017 жылы мәдениет үйі басталып, мердігерлердің жауапсыздығынан салынбай қалып, 2024 жылы қайтадан басталды. Тезірек аяқталса екен. Бұл жалғыз менің арманым емес, барша Мұқыр округі жастарының арманы.
Бірақ жастардың арманы жауапсыз мердігерлердің кесірінен орындалмай тұр. Екі компания бастаған жұмысты аяқтамай орта жолдан тастаған. Қазір қайта конкурс жарияланды. Ал сақалды құрылысқа жан бітіру үшін бұл іске ақыры Антикор араласты.
НҰРЛАН ЖАХИН, ҚР сыбайлас жемқорлыққа қарсы іс-қимыл агенттігі департаменті басшысының орынбасары:
- Жалпы мемлекеттен бөлініп жатқан қаражаттың құны 1,4 миллиард, оның ішіне инфраструктрасымен бірге желілердің барлығын қосу, толық жылу бар. Соның барлығымен қоса нысан осындай құнға шығып тұр. Біздің мақсат - енді осы бюджет қаражаттарының тиімді жұмсалуы және нысанды созбаланға салмай уақытында аяқталуы.
Бар үміт үшінші мердігерде. Жаңа компания қазір жұмысты бастаған екен.
ТАЛҒАТ БИСЕН, Атырау облысы құрылыс, сәулет және қала құрылысы басқармасы басшысының орынбасары:
- Қазіргі таңда ол мекеме жауапсыз деп танылады. Одан кейін қайтадан тендерлік рәсімдеу өткізіліп, бүгінгі күні бұрынғы салған жұмыстар техникалық ерекшеліктерге сәйкес бұзуға жатады деп танылды. Қазір нысанның іргетасы қаланып, тумбалар құйылған болатын. Бүгінгі күні жұмыстар қарқынды жүруде.
Жоспар бойынша құрылыс тамыз айына дейін аяқталып, күзде мәдениет үйі пайдалануға берілуге тиіс.
--------------------------------------------
Ақтаудағы ұшақ апаты - https://www.youtube.com/playlist?list=PLn2OyECVOtB-Smnp7Tu1rILvq5wFDM23g
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr
Біз барлық әлеуметтік желідеміз, тіркеліңіз:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық