Облыста зорлық-зомбылыққа қарсы науқан басталды

8 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Nov 26, 2025

Өңірде республикалық «Гендерлік зорлық-зомбылыққа қарсы 16 күн белсенді іс -әрекет» науқаны басталды. Биылғы акция «Әйелдер мен қыздарға қатысты цифрлық зорлық-зомбылықты тоқтату үшін бірігейік» ұранымен өтеді. Бұл туралы Өңірлік коммуникациялар қызметінде өткен брифингте баяндалды.

Мамандардың айтуынша, цифрлық кеңістікте көрсетілетін қысым, онлайн қудалау, рұқсатсыз фото-видео тарату секілді әрекеттердің көбейуі бұл бағыттағы жұмысты күшейтуді қажет етеді.

Атырау облысы әкімінің жанындағы әйелдер істері және отбасылық-демографиялық саясат жөніндегі бас инспектор-комиссия хатшысы Зәмзәгүл Жалмурзина онлайн зорлық-зомбылықтың шынайы қауіп екенін атап өтті.

— Цифрлық зорлық-зомбылық тек интернеттегі агрессия емес. Ол адамның абыройына, психологиялық денсаулығына және қауіпсіздігіне нұқсан келтіреді. Сондықтан қоғамда нөлдік төзімділікті қалыптастыру аса маңызды,- деді ол.

Полиция департаментінің мәліметінше, биыл 10 айда өңірде 4 720 тұрмыстық құқықбұзушылық тіркелген. Сонымен қатар 3830 қорғау нұсқамасы шығарылып, 986 адамға ерекше талаптар белгіленген.

Атырау облысы ПД ЖПҚБ отбасылық-тұрмыстық зорлық-зомбылыққа қарсы күрес бөлімінің аға инспекторы Айгерім Мұратова профилактикалық жұмыстың үздіксіз жүргізілетінін жеткізді.

— Қолайсыз отбасыларға мобильді топтар барды, агрессорларға қатысты бақылау шаралары күшейтілді. Әрбір дерек жеке қаралып, жапа шегушілерге құқықтық және психологиялық көмек көрсетіледі, — деді полиция майоры.

Тұрмыстық зорлық-зомбылық құрбандарына арналған дағдарыс орталығына биыл 57 адам (оның ішінде 14 әйел және 47 бала) орналастырылған. Қазір кәмелет жасқа толмаған 5 баласымен бір ана паналауда. Жыл басынан бері орталықта 227 кеңес берілген.

Брифинг соңында спикерлер тұрғындарды зорлық-зомбылық фактілерін жасырып қалмауға, цифрлық ортадағы агрессияға бей-жай қарамауға және қажетті жағдайда 111 нөміріне немесе полицияға, яғни, 102-ге жүгінуге шақырды.