Облыстық мәслихаттың ХІІ сессиясы өтті

Өңірдегі медициналық ұйымдардың автокөлік паркі жаңарады. Бүгін аймақ басшысы Нұрлыбек Нәлібаевтың қатысуымен облыстық мәслихаттың кезекті ХІІ сессиясы болып, 2024 жылға арналған облыстық бюджет нақтыланды.

Былтыр облыстық бюджеттен 512,5 млн теңге бөлініп, оған 25 санитарлық автокөлік алынды. Дегенмен, бұл медицина саласындағы түйткілді тұсты толық жаба алған жоқ. Өйткені, медициналық ұйымдардың автокөлік паркі 68 пайызға тозған.

НҰРЛЫБЕК НӘЛІБАЕВ – ОБЛЫС ӘКІМІ // Әкімдердің халықпен кездесулерінде тұрғындар көтеретін негізгі мәселенің бірі – облыстық және аудандық денсаулық сақтау ұйымдарын санитарлық автокөліктермен қамтамасыз ету. Бұл түйткілді өздеріңіз де бірнеше рет депутат мінберінен көтеріп келесіздер. Денсаулық сақтау ұйымдарының автокөлік паркін жаңарту үшін 200 дана санитарлық автокөлікті лизинг арқылы сатып алудың бастапқы жұмыстарына 100 млн.теңге бағытталуда.

Облыс орталығында соңғы жылдары автокөлік саны артып, кептеліс көбейді. Аймақ басшысы ұсынған «Жанқожа батыр көшесі арқылы өтетін теміржол өткелін салу» жобасы осы мәселені реттеуге бағытталған. Жоба жүзеге асса, арғы беттегі бірқатар мөлтек ауданның мәселесі шешімін таппақ.

НҰРЛЫБЕК НӘЛІБАЕВ – ОБЛЫС ӘКІМІ // Шанхай, Коммунизм, Гагарин тұрғындарына қозғалыс қауіпсіздігін сақтай отырып көлік қатынасын жүргізуге үлкен мүмкіндік береді. Осы нақылауда аталған жобаны қоса қаржыландыруға 475 млн теңге бағытталуда. Жобаны жалпы құны 5 млрд теңгеге жақын. Қаржы республикалық бюджеттен бөлінуде.

Облыстық мәслихат депутаттары күн тәртібінде көтерілген мәселердің маңызды екенін ескеріп, барлық бастамаларға қолдау білдірді. Сондай-ақ, депутаттардың келісімімен кейбір шешімдерге өзгерістер енгізіліп, кейбірінің күші жойылды.

Сайт - https://qyzylordatv.kz/ru/live
Facebook - https://www.facebook.com/qyzylordatv/
Instagram - https://www.instagram.com/qyzylordatv/
Telegram - https://t.me/qyzylords_tv
Tiktok -https://www.tiktok.com/@qyzylorda_tv/