ОБЛЫС ӘКІМІНІҢ ҚАРМАҚШЫ АУДАНЫНА ЖҰМЫС САПАРЫ

Қармақшы ауданында 51 отбасы баспаналы болды. Сондай-ақ Ақжар және Тұрмағамбет ауылында жаңа дәрігерлік амбулатория пайдалануға берілді. Облыс әкімі Нұрлыбек Нәлібаев жаңа нысандардың ашылуна қатысып, көпшіліктің қуанышымен бөлісті. Ауыл халқының тұрғындарымен кездесіп, құқық қорғау органдарының басшыларымен бірге жеке қабылдау өткізді.

Жосалы кентіндегі бұл баспаналар әлеуметтік осал топтағы жандар үшін салынған. Әр тұрғын үй екі бөлмеден тұрады, яғни 60 шаршы метірді құрайды. Жаңа жыл қарсаңында 51 отбасы баспаналы болып отыр. Салтанатты шарада сөз алған аймақ басшысы жаңа пәтер иелерін құттықтап, баспана кілтін табыстады.

НҰРЛЫБЕК НӘЛІБАЕВ – ОБЛЫС ӘКІМІ
//Биыл 550-дің үстінде отбасы аудандарда жаңа тұрғын үй алуға мүмкіндік алды. Келесі жылы біз осы жұмыстарты еселей түсетін боламыз.//

Серік Оспанов пен Айсұлу егізбаеваның отау құрғанына он жылдан асқан. Бес баланың анасы сонан бері жалдамалы пәтерде тұрып келген еді. Міне, енді жаңа жылды жаңа баспанада қарсалу бақытына ие болып отыр.

АЙСҰЛУ ЕГІЗБАЕВА – АУДАН ТҰРҒЫНЫ
//Қасым-Жомар Тоқаев Кемелұлының жолдауымен осы тұрғын үйді облыс әкімі Нәлібаев мырза табыстап кетті. Өте қуаныштымын. Алғысым шексіз. біз бұл баспананы 11 жыл күтіп жүргенбіз.//

Аймақ басшысы мұнан соң құқық қорғау органдарының басшыларымен бірге жеке қабылдау өткізді. Қабылдауға 40-қа жуық тұрғын келіп, өтініш-тілектерін жеткізді.

МАРАТБЕК ӨМІРБАЕВ – ҚУАНДАРИЯ АУЫЛЫНЫҢ ТҰРҒЫНЫ
//Қуандария ауылы, Бақанды каналының қазу жұмыстарын жүргізуге сұраныс бергенбіз. Мінекен жана облыс әкімінің алдында біздің қойылған мәселеміз Бақанды каналының 9, 6 км жер қазылатын болып, оның қаржысының шешімі табылды. // енді каналдың бойындағы келешектегі мал шаруашылығы, жоңышқа егілуіне, бақша егілуіне көп себепкер болады. //

Облыс әкімі Нұрлыбек Нәлібаев Ақжар және Тұрмағамбет ауылдарына барды. Мұндағы ескі емдеу мекемесінде тиісті ем-дом алу қолжетімді бола бермейтін. Сондықтан, тұрғындар дәрігерлік көмек алу үшін аудан орталығына баруға мәжбүр еді. Енді алысқа сабылмайтын болды. Қос ауылда «Ауылдық денсаулық сақтауды жағырту» Ұлттық жобасы аясында жаңа дәрігерлік амбулатория пайдалануға берілді.

НҰРЛЫБЕК НӘЛІБАЕВ – ОБЛЫС ӘКІМІ
//«Ауыл ел бесігі» бағдарламасының ауқымы кеңейтілді. Сол арқылы біздің облысқа биылдың өзінде //12 млрд.үстінде қаражат келіп жатыр. Қанша ауылдарда электр желілері жөнделіп жатыр. Жолдар жасалып жатыр. Дәрігерлік амбулатория салынып жатыр. Бұл «Ауылдық денсаулық сақтауды жағырту» Ұлттық жобасы арқылы келіп жатыр. 27 салынып жатыр.//

Ауыл тұрғыны
//Бұл ауылда совет үкіметі құрылғанда совхоз кезінде бір болница болды. Содан бері ештемке болған жоқ. Дым жоқ түгін. Одан кейін бір азаматтың көшіп кеткен үйін амбулатория қылды. Ауыл жалпы осындай медициналық мекемеге зәру болып отырған. Ауылға елге болсын деп қамқорлық жасап жатқан Мемлекет басшысына, Үкімет басшысына, жұмыстың тез бітуіне мұрындық болған сізге рақмет айтамын. //

Обылс әкімі Қармақшы ауданына сапары кезінде Қуаңдария, Алдашбай ахун, Көмекбаев ауының тұрғындарымен кездесті. Шалғай ауылдардың тұрғындарына ел Президентінің, Үкіметтің қолдауымен жыл көлемінде атқарылған жұмыстар мен алдағы жоспарларды айтып, халықтың ұсыныс-пікіріне құлақ асты. Жаңа жыл қарсаңында ауданның дамуына үлес қосқан белсенді азаматтарды марапаттады.

Сайт - https://qyzylordatv.kz/ru/live
Facebook - https://www.facebook.com/qyzylordatv/
VK - https://vk.com/qyzylordatv
Instagram - https://www.instagram.com/qyzylordatv/
Telegram - https://t.me/qyzylords_tv
Tiktok -https://www.tiktok.com/@qyzylorda_tv/