Павлодар облысында 2 млн текше метр қар шығарылды

7 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Mar 26, 2026

Павлодар облысында күннің күрт жылынуына байланысты коммуналдық қызметтің жұмысы күшейтілді.
Наурыздың ортасында өңірде қалың қар жауып, небәрі екі күннің ішінде үш айлық ылғал түсті. «Қазгидрометтің» мәліметінше, облыстың орталық және шығыс бөліктерінде қардың қалыңдығы 30 сантиметрге дейін жеткен. Қазіргі таңда елді мекендер мен автокөлік жолдары тұрақты бақылауға алынды. Әсіресе су тасқыны қаупінің алдын алу шаралары күшейтілді. Облыс орталығында еріген қар суын шығару жұмыстары тәулік бойы жүріп жатыр.
Алдын ала жасалған болжамға сәйкес Наурыз айының 20-нан бастап қар жылдам ери бастады. Осыған байланысты жергілікті атқарушы органдар күшейтілген режимде жұмыс істеп, қар шығару шараларын үздіксіз жүргізіп жатыр. Бүгінгі күнге дейін өңірден 2 миллион текше метрден астам қар шығарылды. Сонымен қатар су тасқынының алдын алу мақсатында инертті материалдар жеткілікті көлемде дайындалып, мыңнан астам су өткізгіш құрылғы толық тазартылды. Мамандардың айтуынша, бұл жұмыстар көктемгі су тасқыны қаупін азайтуға бағытталған. Әсіресе жыл сайын қауіп жоғары болатын Баянауыл және Ақтоғай аудандары ерекше бақылауға алынған.

#жаңалықтар #новости #24KZ #хабар24 #казахстан