Ресейлік кәсіпкердің қарамағындағы Тараз қант зауытының жұмысшылары бас көтерді

Ресейлік кәсіпкердің қолына өткен Тараздағы қант зауытының жұмысшылары жеті айдан бері жалақы алмағандарын айтып жиналды. Айлықсыз қалдық деген азаматтар жібі түзу жұмыс киімі мен құрал-саймандарға да жарымадық дейді. Әріптесім Нұрадин Рақай табандап талабын айтқан тұрғындар тілегін тыңдап келді.
Қант зауытының қызметкерлері өндіріс орнын Ресей азаматы алғалы қарапайым сыпырғышты да, қара жұмысқа киір киімді де, қала берді құрал-сайманды да қалтамыздан көтеруге көндік дейді. Бірақ, жалақымызды жұрт аузынан жырып, іштегі ахуалды бүгіп жүруден жалықтық деп отыр. //
НҰРЖАН ТАМАЕВ, жұмысшы:
– Айлық вообще быт-шыт болып жатыр. Премия дейді, премиясы да жоқ. Ештеңесі жоқ.
500-ге жуық қызметкері бар Тараз қант зауытын ресейлік кәсіпкер Павел Демидов сатып алған. Қордаланған мәселе Ресейдегі қожайынның құлағына жеткенше қарапайым қолғап алу қиямет қайым, жалақы сұрау машақаты мол мәселеге айналды дейді жұрт.
АЙДОС БАЗАРБАЕВ, жұмысшы:
– Шомылатын мұздай суда удобство жоқ. Не басқа да жоқ. Киім де жоқ. Өз киімімізбен, басқаның бәрін өзіміз істеп жатырмыз. И бір рет шығамыз. Бізге мақұл-мақұл, шыдаңыздар, россияндармен сөйлесеміз дейді да, ассалаумағалейкум жоқ.
Басшылық алдында көк тиын құнымыз, кадр деп қадіріміз қалмады деген қызметкерлер бұған дейін сан мәрте шағымданғандарын айтады. Бірақ ел айтқан ұсыныс еленіп, жағдайдың жақсарғаны жоқ дейді. Ал басшы орынбасары кешіккен айлықты есепшінің құжаттан кешіккенімен түсіндірді. Тіпті құрал-саймандар мен қолғаптарды сатып алған. Қазір қоймада тұр екен. Тек жеті айдан бері басшылықтың рұқсатын күтіп жүрміз дейді.
АРМАН ЖОТАБАЕВ, Тараз қант зауыты директорының орынбасары:
– Түсініспеушілік біздің есепшілердің үлгермеуінен туындап тұр. Осы олқылықтың орнын толтырып, 1-2 күнде әрбір жұмысшыға сыйақы береміз. Ал қажетті құрал-жабдықтар мен керекті кием-кешекті енді сатып алдық. Қазір қоймада. Жақын арада бәріне берілетін болады. Ал жалақы жыры неге 7 айдан бері шешілмеді деген сұраққа директордың өзі жауап береді.
Екі айдан бері күрделі жөндеуге жабылған зауыттың қашан іске қосылары белгісіз.








Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал