Республикалық пікірсайыс турнирі өтті

Қазақстан Республикасының Тәуелсіздігі күніне орай Батыс Қазақстан облысы қоғамдық даму басқармасының қолдауымен ағымдағы жылдың 2-3 желтоқсан күндері Махамбет университетінде республикалық пікірсайыс турнирі өтті.
28 фракция, 56 спикер арасындағы пікісайыс турнирі «БПФ», «АПФ», «Линкольн - Дуглас» форматтарының ережесі бойынша бойынша жүргізіліп, үздіктер анықталды.

Пікірсайыс турнирінің салтанатты ашылу рәсіміне Батыс Қазақстан облысының қоғамдық даму басқармасының басшысы Шөкеева Гүлжанар болатқызы қатысып, барлық қатысушыларға айтулы мерекенің маңызын айтып сәттілік тілесе, қорытынды марапаттау рәсіміне БҚО Қоғамдық даму басқармасының Жастар ісі бөлімінің басшысы Бисекенов Мирфат Талғатұлы, М.Өтемісов атындағы БҚУ-нің тәрбие жұмысы және әлеуметтік мәселелер жөніндегі проректоры Сүлейменов Мерген Қуанышұлы қатысып үздіктерді марапаттады.

Турнирдің қорытындысы бойынша озық ойымен ерекшеленіп, үздік нәтиже көрсеткені үшін қазақ лигасы бойынша «I-орын» Атырау қаласы, Халел Досмухамедов атындағы Атырау Университеті «Сенатор» фракциясы: Исмуханов Даурен, Өмертаев Бақдәулет арнайы кубок және қаржылай 300 000 теңге сертификатпен марапатталды. «II-орын» Ақтөбе қаласы, Қ.Жұбанов атындағы Ақтөбе өңірлік университеті, Ақтау қаласы, "Ш. Есенов атындағы Каспий технологиялар және инжиниринг университеті", «1612» фракциясы: Ханиев Аманжол, Бозаев Тұрар арнайы кубок және қаржылай 200 000 теңге сертификатпен марапатталды. «III-орын» Алматы қаласы, Тұран университеті, Ақтау қаласы Ш. Есенов атындағы Каспий технологиялар және инжиниринг университетінің студенттерінен құралған «Маңғыстау үшін» фракциясы: Еділбаев Ернар, Аманшин Азамат арнайы кубок және қаржылай 100 000 теңге сертификатпен марапатталды.

«Үздік спикер» аталымын Ақтөбе қаласы, Марат Оспанов атындағы Батыс Қазақстан медицина университетінің 6 курс студенті Айдана Боранбаева иемденіп, қаржылай 60 000 теңге сертификатпен, «Үздік төреші» аталымы бойынша университет түлегі Сарымсақов Айымбек қаржылай 60 000 теңге сертификатпен марапатталды.

Пікірсайыс турнирінде ораторлық өнерімен көзге түскені үшін Ақтөбе қаласы, Қ.Жұбанов атындағы Ақтөбе өңірлік университеті мен Орал қаласы Жәңгірхан атындағы БҚАТУ студенттерінен құралған «Алаш үшін» фракциясы: Жанбаев Ерназ, Сйлиханова Жансая «Үздік талпыныс» аталымы бойынша үздік деп танылды. Турнир барысынды жоғары спикерлік ұпай жинаған 1 курс студенттері «Жастар финалы» сайысына жолдама алып қорытынды бойынша үздік нәтиже көрсетіп, жеңімпаз атанған Астана қаласы, Астана Халықаралық Университеті мен Ақтөбе қаласы, Қ. Жұбанов атындағы Ақтөбе өңірлік университетінің студенттерінен құралған «Мугивара» фракциясы: Жолаев Нұртілек, Сәрсенғалиева Мейрамгүл үздік деп танылып, арнайы кубокпен және қаржылай 40 000 теңге сертификатпен марапатталды. Турнир қонақтарын қарсы алып, барлық іс-шараларға уақытылы қатысуына септігін тигізген ұйымдастырушы жастар арасындағы «Үздік вайзер» аталымын М.Өтемісов атындағы Батыс Қазақстан университеті филология факультетінің 2 курс студені, студенттік декан Рану Русланқызы жеңіп алды. Сонымен қатар турнир қатысушыларына спорттық-квест ойыны ұйымдастырылып үздік 10 қатысушы арнайы сыйлықтармен дипломдармен марапатталды.