РУДНЫЙДЫҢ ӘКІМІ ҚЫЗМЕТІНЕН КЕТСІН. ҰҚҚ ТЕРГЕУ ЖҰМЫСТАРЫН ЖҮРГІЗУДІ ТАЛАП ЕТЕМІН! @Kysh-Birlikte

@Kysh-Birlikte Менің қолыма Қостанай облысы Рудный қаласының әкімі В Ионенконың Қостанай облысы әкімдігінің Жұмыспен қамтуды үйлестіру және әлеуметтік бағдарламалар басқармасының басшысы Г.Абенованың атына жазылған хат түсті. Хат мәтінімен танысқан адам қала басшысының мемлекеттік саясатқа қарсы екенін көреді. Өз жеріне жиналған жұртты "анклав" деп қорлап отырғанымен қоймай, қаладағы қазақ тіліндегі 3 мектепті, 1 ғана балабақшаны жеткілікті деп санайды екен. Қысқаша айтқанда Қостанай облысының әкімі Қ.Ақсақалов мына жайтқа айрықша мән беріп, Ионенконы жұмыстан шығарып, Үкімет бақылауға алуы тиіс деп санаймын.
Хаттың қазақша мәтінде былай деген:

"1991 жылдан бастап Рудный қаласына 17 369 қандас (5 553 отбасы) қоныс аударды, олардың 10 733-і (3 851 отбасы) квотаға енгізілген.
Ағымдағы жылы қандастар мен қоныс аударушыларды қабылдаудың өңірлік квотасы толық орындалды, оған 256 адам енгізілді, оның ішінде 206-сы қандас, 50-і қоныс аударушы. Сонымен қатар, қандастар квотасына 2023 жылы келген азаматтар енгізілген.
Облыс әкімдігі жұмыспен қамтуды үйлестіру және әлеуметтік бағдарламалар басқармасының мәліметіне сәйкес, 2024 жылғы 24 желтоқсандағы жағдай бойынша «қандас» мәртебесін 237 адам алды (квотаға енгізілмеген).
2019-2024 жылдар аралығында қандастар мен қоныс аударушыларды қоныстандыру квотасына 2 976 адам (1 131 отбасы) енгізілді, олардың барлығына мемлекеттік қолдау шаралары көрсетілді. Еңбекке қабілетті азаматтардың 70%-дан астамы сауда және басқа да қызмет көрсету салаларында жұмысқа орналасты.
Соңғы 6 жылдағы деректерді талдау нәтижесінде, жыл сайын қандастардың шамамен 306 адамы және қоныс аударушылардың 191 адамы квотаға енгізілетіндігі анықталды.
Қазіргі уақытта Рудный қаласының еңбек нарығында өнеркәсіп, құрылыс, медицина, білім беру және экономика салаларында білікті мамандарға сұраныс жоғары.
Жоғары білікті инженерлік-техникалық қызметкерлер, дәрігерлер, оқытушылар, бухгалтерлер қажет. Сондай-ақ өнеркәсіп және құрылыс саласындағы жоғары білікті жұмысшылар (электриктер, электрмонтажшылар, электрслесарьлар, машинистер, ағаш шеберлері, қаптаушы-плиткашылар, тас қалаушылар, бетоншылар, арматуршылар және т.б.) сұранысқа ие.
Рудный қаласының қала құраушы кәсіпорны «ССГПО» АҚ азаматтарды жұмысқа қабылдамайды, Қызмет көрсету орталығына бос жұмыс орындары ұсынылмаған.
Рудный қаласында 1-11 сыныптар аралығында мемлекеттік тілде білім беретін 4 мектеп бар (оның ішінде 1 мектеп Қашар кентінде орналасқан), сондай-ақ аралас тілде білім беретін 7 мектеп жұмыс істейді. Мемлекеттік тілде білім беретін 1 балабақша (№15) және аралас тілде білім беретін 13 балабақша бар. Жалпы білім беретін және мектепке дейінгі мекемелер балалармен толық қамтылған.
Рудный қаласының жылжымайтын мүлік нарығы тұрақсыз, 2021 жылдан бастап тұрғын үй бағасының өсуі байқалады.
Бүгінгі таңда:
1 бөлмелі пәтердің бағасы 7 млн теңгеден асады,
2 бөлмелі – 9 млн теңгеден,
3 бөлмелі – 18 млн теңгеден,
4 бөлмелі – 20 млн теңгеден,
5 бөлмелі – 22 млн теңгеден жоғары.
Мемлекеттік тұрғын үй қорынан баспана алу кезегінде 218 қандас тұр, олардың ішінде 2024 жылы кезекке 10 адам қойылды.
Осы айтылғандарды және әлеуметтік инфрақұрылым жағдайын (мектептер мен балабақшалардағы орындардың қолжетімділігі, жалға берілетін тұрғын үйдің жоқтығы) ескере отырып, сондай-ақ, қандастар мен қоныс аударушылар арасында АНКЛАВТАНУ қаупін болдырмау мақсатында, 2025 жылы Рудный қаласын ерікті қоныс аудару үшін ұсынылған елді мекендер тізіміне қоспау орынды деп санаймын.".
#Ионенко доғырысқа кет
#Amandyq Amirkhamzinhttps://www.facebook.com/share/p/15pu...
АРНАҒА КӨМЕК KASPI GOLD 87016240999 ДАРХАН. А