САЛ БОЛҒАН БАЛАНЫ САУЫҚТЫРАДЫ

Қызылордада ерекше балалармен жұмыс жасап жүрген, «дцп деген диагноз - арбаға таңылу» деген үкімді жоюға атсалысып жүрген, оларды тіпті аяғына тұрғызып жүрген ерекше маман бар. Оны арысы Атырау, берісі Тараздан арнайы іздеп келіп жатыр. Себебі нәтиже бар. Президент айтқан адал азамат, адал еңбек қағидатының қазығын қағып жүрген, бір жылдың ішінде 25 баланы аяққа тұрғызған Асылбек Досжановтың емдік әдісі турасында тілші бейнесюжеті.

Дүйім жұрт дцп деп білетін, дәрігер диагноз қойғанда үкім секілді естілетін церебралды сал ауруынан айықтырып жүрген адам бар. Сәби болып еңбектей алмайтын, бойын тіктей алмайтын, тұра алмайтын, жүре алмайтын, бұлшық еті өн бойына бағынбайтын балаларды арнайы қимыл-қозғалыс әдісімен бір сәтте емес, әсте-әсте тәй-тәй басқызып, тұсауын кесіп жүр. Ол маман - емдік дене шынықтырушы, артезист, реабилитолог Асылбек Досжанов. 10 жылдан астам уақыт Асылбек өзінің бар күш-жігерін, қарым-қабілетін сал болған балақайларды сауықтыруға жұмсап жүр. Оның шипагерлігін байқаған белгілі меценат, Еңбек ері Абзал Ерәлиев сырт елде біліктілігін жетілдіруіне қолдау білдіріпті. Осыған дейін Талсуаттағы сауықтыру орталығында еңбек еткен маман былтыр мына шағын орталықты ашып, бір жылдың ішінде 25 баланы аяққа тұрғызды. Ем-дом сәтін салып, Аян, Мағжан, Алдияр, Тамина, Санжар, Айша, Омар, Абдулла, тағысы тағы бар дені сау балалардың қатарына қосылды. Ауру айтып келмейді, әлі де емделушілер қатары қалың, кейбірі тіпті бармаған жерім, баспаған тауым қалмады деп ағынан жарылуда.

Емдік шара барысында әлбетте бала шырқырап тұрып жылайды, қарап тұрып жүрегің шымырлап кетеді, әрбір әрекет жоғары кәсібилікті, дәлдікті, дұрыс қарым-қатынасты, мол сабыр мен төзімді талап етеді. Әсте оңай емес. Инемен құдық қазғандай қарекет бұл, әрбір жеткіншектің 200-ден астам буынының дұрыс жұмыс жасауы үшін қаншама тер төгіліп, қаншама уақыт бөлінеді?! Асылбек аялап жасаған.

Сайт - https://qyzylordatv.kz/ru/live
Facebook - https://www.facebook.com/qyzylordatv/
Instagram - https://www.instagram.com/qyzylordatv/
Telegram - https://t.me/qyzylords_tv
Tiktok -https://www.tiktok.com/@qyzylorda_tv/