Саяси қуғын-сүргін және ашаршылық құрбандарын еске алу күні

12 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Jun 4, 2025

31 мамыр күні Теміртау қаласындағы «Бірлік» алаңында саяси қуғын-сүргін мен ашаршылық құрбандарын еске алуға арналған шара өтті. Бұл күн — халқымыздың тарихындағы ең қайғылы әрі маңызы зор күндердің бірі. Халықтың қайғы-қасіретінің символына айналған мемориал маңына қала әкімдігі, жастар ұйымдары, қоғамдық бірлестіктер мен қала тұрғындары жиналып, тағзым етті.
Қазақстанда жыл сайын 31 мамырда жазықсыз сотталған, жер аударылған, лагерьлерде қаза тапқан, сондай-ақ 1930 жылдардағы ашаршылықтың құрбаны болған жандар еске алынады.
Алексей Ломакин, Теміртау қалалық мәслихатының төрағасы: «Бүгінде біз тарихымыз туралы ашық айтып, еске алу шараларын өткізіп жатқанымыз — өте маңызды. Өйткені өз тарихын ұмытқан халықтың болашағы болмайды. Осыдан екі жыл бұрын ғана бұл идея арман күйінде еді, ал қазір Теміртаудың дәл орталығында маңызды жобаға айналды. Бұл жерге әрбір адам келіп, алғыс айтуына болады. Себебі біздің ата-бабаларымыз өте ауыр кезеңдерді бастан кешті. Бұл қасірет әр отбасыға әсер етті. Сондықтан осындай шараларды өткізіп, балаларымызды ертіп әкеліп, оларға өткеніміз жайлы айтып беру — біздің міндетіміз».
Бұл күн әсіресе аға буын – қала ақсақалдары үшін ерекше маңызға ие. Олар өткеннің ауыр сабақтарын ұмытпай, сол бір зұлмат жылдарды өз көздерімен көрген ата-бабалардың тарихын кейінгі ұрпаққа жеткізуді өз парызы санайды.
Шынуар Серікбай, Ақсақалдар кеңесінің басшысы: «Әрине, барлығымыздың көңілімізден шығып тұрған бұл игі шара өте жоғары деңгейде өтіп жатыр және өткізіліп те тұрады. Еске алу — біздің міндетіміз. Баршамызға сауапты, күніміз қайырлы болсын».
Тарихшылар қуғын-сүргінге ұшырағандардың есімдерін қалпына келтіру жұмыстарын жалғастыруда. Ал мемлекет олардың есімін мәңгі есте қалдыруға бағытталған бастамаларды қолдап келеді. Осындай шаралар тарихи шындықты сақтауға ғана емес, сонымен қатар қоғамдағы азаматтық бірлікті нығайтуға да ықпал етеді.